Дар нимсолаи аввали соли 2022 ҳаҷми истеҳсоли маҳсулоти саноатӣ ба 19,1 млрд. сомонӣ расида, суръати афзоиш нисбат ба соли пешин 117,3 фоизро ташкил дод, ки ин нишондод ба маблағи 2,8 млрд. сомонӣ зиëд мебошад.

Дар ин бора имрӯз Шералӣ Кабир, вазири саноат ва технологияҳои нави кишвар зимни нишасти хабарӣ иттилоъ дода, дар идома гуфт, ки ин нишондиҳанда байни кишварҳои ИДМ баландтарин ба ҳисоб меравад.

Таъкид гардид, ки дар ин давра ҳаҷми умумии маҳсулоти саноатӣ 57 фоиз ба саноати коркард, 18 фоиз ба таъминоти неруи барқ, газ, буғ, тозакунии ҳаво, 24 фоиз ба саноати истихроҷ ва 0,5 фоиз ба соҳаи таъминоти об, тозакунӣ, коркарди партовҳо ва дастрасии коркарди дуюмдараҷа рост меояд.

- Тибқи маълумотҳои оморӣ дар нимсолаи якуми соли ҷорӣ дар кишвар 137 корхона бо 1296 ҷойи корӣ ва 47 коргоҳ бо 2501 ҷойи корӣ, дар маҷмӯъ 184 корхонаву коргоҳ бо 3797 ҷойи корӣ сохта ба истифода дода шуданд. То 1 июли соли ҷорӣ 2479 корхонаи саноатӣ ба қайд гирифта шудааст. Дар ин давра шумораи корхонаҳои фаъолияткунанда 673 корхонаро ташкил дод, - гуфт Шералӣ Кабир.