Давоми соли 2021 ҳаҷми маҷмӯи маҳсулоти дохилӣ 98,9 млрд. сомонӣ ва рушди воқеии он 9,2 фоизро ташкил дод, ки ин нишондиҳандаи баландтарин дар 17 соли охир ба ҳисоб меравад.

Дар ин бора 2 феврал Завқӣ Завқизода, вазири рушди иқтисод ва савдои кишвар зимни нишасти хабарӣ иттилоъ дод.

Ҳамчунин қайд гардид, ки ташкилотҳои байналмилалии молиявӣ низ рушди иқтисоди Тоҷикистонро дар соли 2021 нишондиҳандаи баландтарин дар минтақа арзёбӣ намуданд.

-Дар натиҷаи тадбирҳои андешидашуда соли 2021 ҳаҷми истеҳсоли маҳсулоти саноатӣ ба 38826, 1 млн. сомонӣ баробар гардида, суръати рушди он 22 фоизро ташкил дод, ки нисбат ба соли 2020-ум 12,3 банди фоизӣ зиёд мебошад, - қайд намуд Завқӣ Завқизода.