Имрӯз - 24 июл Давлатзода Қудрат, ректори Донишгоҳи техникии Тоҷикистон ба номи академик М. С. Осимӣ зимни нишасти матбуотӣ ба хабарнигорон иттилоъ дод, дар Донишгоҳ факултети нав - факултети технологияи химиявӣ ва металлургия таъсис дода мешавад.

Ректор аз ҷумла қайд намуд, ки ин иқдом бо мақсади татбиқи ҳадафи чоруми стратегии Ҷумҳурии Тоҷикистон, яъне саноатикунонии босуръати мамлакат ва бо дарназардошти талаботи бозори меҳнат ба касбу ихтисосҳои муосир роҳандозӣ мешавад.

Ёдовар мешавем, ки роҳбарияти ниҳодҳои дахлдори кишвар зимни суҳбату мулоқотҳо бо намояндагони воситаҳои ахбори омма борҳо аз норасоии кадрҳои баландихтисоси соҳаи технологияи кимиёвӣ, коркарду истихроҷи металлургия ва дигар канданиҳои фоиданок ва дар маҷмуъ мутахассисони соҳаи саноат изҳори нигаронӣ мекунанд.

Ҳамзамон факултети Технологияҳои иттилоотӣ ва коммуникатсионии Донишгоҳ ба факултети технологияи рақамӣ ва ҳимояи иттилоот табдили ном кард.