Ба иттилои Фаррух Ҳамрализода, раиси Кумитаи давлатии сармоягузорӣ ва идораи амволи давлатии ҷумҳурӣ соли 2017 дар ҷумҳурӣ 301,3 ҳазор субъекти соҳибкорӣ ба қайд гирифта шудааст, ки дар муқоиса бо як соли пешин 4,4 фоиз зиёд аст.

- Ҳамчунин дар асоси маълумоти додаи Кумитаи андози назди Ҳукумати ҷумҳурӣ давоми соли 2017 дар миқёси ҷумҳурӣ 30281 субъекти соҳибкорӣ барҳам дода шуд. Аз ин шумора шахсони ҳуқуқӣ 1810 адад ва соҳибкорони инфиродӣ 28471 ададро ташкил медиҳанд - иброз дошт Фаррух Ҳамрализода.

Ҳамчунин, вай аз қатъи зиёди субъектҳои соҳибкорӣ дар бахши хусусӣ нигаронӣ намуда, иброз дошт, ки Ҳукумати ҷумҳурӣ баҳри беҳтар намудани фазо ва бартараф намудани монеаҳо дар бахши хусусӣ, дар такя ба таҷрибаи давлатҳои пешқадам, тамоми тадбирҳоро андешида истодааст.