Соли 2023 аз ҳисоби андозҳо ва пардохтҳои дохилӣ ба буҷети давлатӣ 17 млрд. 738,0 млн. сомонӣ ворид шудааст, ки 103,8 фоизи иҷрои нақшаи аниқшударо ташкил медиҳад.

Нусратулло Давлатзода, раиси Кумитаи андози назди Ҳукумати Ҷумҳурии Тоҷикистон дар ин бора зимни нишасти матбуотии ин ниҳод иттилоъ дод.

Ҳамчунин Давлатзода зикр намуд, ки аз вилоятҳои кишвар ВМКБ ба андозаи 104,8%, вилояти Хатлон - 105,1%, вилояти Суғд - 104,5% ва шаҳри Душанбе - 104,7% нақшаи буҷетиро иҷро намуданд.