ИҚТИСОД
Шанбе 13 Июл 2024 01:50
8855
Бо мақсади рушди хизматрасониҳои фосилавии бонкӣ ва зиёд намудани ҳиссаи ҳисоббаробаркуниҳои ғайринақдӣ, ташкилотҳои қарзии молиявӣ дар муассисаҳои савдо ва хизматрасонӣ фаъолона QR-рамз насб доранд, ки аз ҷиҳати хароҷот ва дастгирии техникӣ назар ба терминалҳои электронӣ нисбатан камхарҷ буда, барои истифодабарандагони он имконияти васеътарро барои пардохтҳои ғайринақдӣ фароҳам меоранд.

Дар ин бора 18 июл Фирдавс Толибзода, муовини раиси Бонки миллии Тоҷикистон зимни нишасти матбуотӣ хабар дод.

Бино ба гуфти ӯ ба санаи 30 июни соли 2022 дар муассисаҳои савдо ва хизматрасонии ҷумҳурӣ 14825 адад QR – рамз мавриди истифода қарор дода шудаанд, ки нишондиҳандаи мазкур нисбат ба ҳамин давраи соли гузашта 6902 адад зиёд мебошад.

- Таносуби ҳаҷми амалиётҳои гирифтани пули нақд ва пардохти ғайринақдии молу хизматрасониҳо бо истифодаи воситаҳои электронии пардохтӣ, аз ҷумла кортҳои пардохтӣ ва ҳамёнҳои электронӣ хеле афзуда, нисбат ба ҳамин давраи соли қаблӣ ҳиссаи амалиётҳои ғайринақдӣ 1,2 фоиз зиёд гардид, - гуфт Фирдавс Толибзода.

Таҳмина ЮСУФӢ “ҶТ”

Эзоҳи худро нависед



Рамзҳо дар расм