Дар шашмоҳаи аввали соли равон сатҳи таваррум дар кишвар 2,3 фоизро ташкил намудааст, ки нисбат ба ҳамин давраи соли гузашта 1,8 фоиз кам мебошад.

Ин нуқтаро Толибзода Фирдавс муовини аввали раиси Бонки миллии Тоҷикистон 11 август зимни нишасти матбуотӣ хабар дод.

Ба иттилои ӯ нишондиҳандаи мазкур асосан аз ҳисоби болоравии нархи маҳсулоти хӯрокворӣ 3,0 фоиз, молҳои ғайрихӯрокворӣ 2,9 фоиз ба амал омадааст. Раванди коҳишёбии хизматрасониҳои пулӣ ба аҳолӣ бошад 0,4 фоизро ташкил додааст.

Номбурда ҳамчунин таъкид дошт, ки дар ин самт 50 музоядаи фурӯши коғазҳои қимматноки Бонки миллии Тоҷикистон ба маблағи 3,7 миллиард сомонӣ баргузор шудааст, ки ҳаҷми он нисбат ба соли қабл 10,7 фоиз зиёд мебошад.

Сайёраи ҚИЁМИДДИН, “ҶТ”