Ширкати ватании “Тоҷик Эйр” дар соли равон мақсад дошт бо харидани тайёраҳои нав парвозҳои худро ба роҳ монад, аммо бо сабаби зери таҳрим қарор доштани тайёраҳои туркӣ ширкат боз ҳам натавонист соҳиби ҳавопаймо гардад.

Дар ин бора имрӯз Фируз Ишонқулов, муовини аввали директори ширкати “Тоҷик Эйр” зимни нишасти хабарӣ иттилоъ дод.

Дар нишаст ишора гардид, ки дар шашмоҳаи аввали соли равон аз ширкатҳои ватанӣ танҳо шаркати "Сомон Эйр " ба мусофиркашонӣ машғул буду тамом. Боқимонда 12 ширкати ҳавопаймоии хориҷӣ ("Ют Эйр", "Уральские авиалинии". "Северный ветер", "Сибирь-Ѕ7", "Ямал"-и Федератсияи Россия, "Эйр Астана"-и Ҷумҳурии Қазоқистон, "Узбекистон ҳаво йуллари"-и Ҷумҳурии Узбекистон, "Флай Дубай"-и Аморати Муттаҳидаи Араб, "Туркиш Эйрлайнз"-и Туркия, "Вориш Эйрлайнз"-и Ҷумҳурии Исломии Эрон, “Ҷазира Эйрвейз”-и Давлати Кувайт ) парвозҳои мунтазамро ичро намудаанд.

Ҳамзамон, дар нимсолаи якуми соли 2024 фурудгоҳҳои байналмилалии кишвар ҳамагӣ ба 1 млн 667 ҳазору 900 мусофир хизмат расонидаанд, ки ин нишондиҳанда нисбати нимсолаи якуми соли гузашта 35 ҳазору 800 нафар ё 36% кам мебошад.

Теъдоди хатсайрҳо бошад дар нимсолаи якуми соли 2024 ба 5 ҳазору 787 хатсайр расидааст, ки нисбат ба нимсолаи якуми соли гузашта 238 хатсайр ё 2,3% кам мебошад.