Хадамоти зиддиинҳисории назди Ҳукумати Ҷумҳурии Тоҷикистон имрӯз зимни нишасти хабарии ниҳоди мазкур сабаби боло рафтани нархи сӯзишвориро дар соли 2023 шарҳ дод.

Аз ҷумла зикр гардид, ки сабабҳои асосии тағйир ёфтани нархи сӯзишворӣ дар бозори дохилӣ ин ноустувор будани арзиши 1 тоннаи он дар давлатҳои содиркунанда ва ҷорӣ гардидани баъзе монеаҳо аз ҷониби ин кишварҳо ба ҳисоб мерафт.

Ба гуфтаи ниҳоди мазкур дар соли 2023 нархи 1 баррел нафт аз 84 доллари моҳи январ ба 92 доллар дар моҳи сентябр баробар гардидидааст, ки ин ҳама омил сабаби болоравии нархи сузишворӣ дар Тоҷикистон гардидааст.

Ҳамчунин дар нишаст таъкид гардид, ки дар соли 2023 аз ҷониби 15 субъекти воридкунанда ба ҷумҳурӣ 411 ҳазор тонна гази моеъ ба маблағи 182,2 млн доллар бо нархи миёнаи 443 доллар барои як тонна ворид карда шудаааст, ки аз ин 76,7 фоизи воридот ба Ҷумҳурии Қазоқистон, 19,4 фоиз ба Федератсияи Россия, 3,9 фоиз ба Ҷумҳурии Ӯзбекистон рост меояд.

Рустам ОДИНАЕВ, “ҶТ”