ИҚТИСОД
Ҷумъа 07 Октябр 2022 01:27
1171
Дар нимсолаи якуми соли равон аз ҷониби кормандони воҳидҳои мубориза бар зидди ҳуқуқвайронкуниҳои гумрукӣ 2704 ҳодисаи  қонуншикании гумрукӣ ошкор карда шудааст.

- Аз ҳисоби умумии қонуншиканиҳои ба қайд гирифташуда 22-тоаш ҷиноят буда, аз он 2 ҳодиса ба қочоқи маводи нашъаовар, 13 ҳодиса ба қочоқи молу воситаҳои нақлиёт ва 5 ҳолат ба дигар ҷиноятҳои соҳаи фаъолияти гумрук, 2 ҳолат ба ҷиноятҳои дар ҳамкорӣ бо дигар мақомотҳо марбут мебошад, - иброз дошт Абдуфаттоҳи Ғоиб, раиси Хадамоти гумрук.

Дар натиҷаи баррасии 2682 парвандаҳои ҳуқуқвайронкуниҳои маъмурӣ 2449 нафар шахсони воқеӣ ва ҳуқуқӣ ба ҷавобгарии маъмурӣ кашида шуда, аз онҳо ба маблағи 2967,8 ҳазор сомонӣ пардохтҳои гумрукӣ ва ба маблағи 4068,6 ҳазор сомонӣ ҷарима ситонида шуд. Инчунин, ба маблағи 495,4 ҳазор сомонӣ молҳо мусодира карда шуда, дар натиҷаи гузаронидани корҳои фаҳмондадиҳӣ ва андешидани тадбирҳои иловагӣ ба маблағи 4475,0 ҳазор сомонӣ пардохтҳои гумрукӣ рӯёнида шуд.

Абдуфаттоҳ Ғоиб зикр кард, ки дар шаш моҳи соли равон воридоти ғайриқонунии 2644 тонна ангишт, 706 тонна нуриҳои минералӣ, 419,5 тонна семент, 21 тонна маҳсулоти қаннодӣ, 173670 адад лампаҳои тафсон, 871,1 тонна орд, 47,5 тонна меваи тар, 10160 дона доруворӣ, 13515 метр матоъ, 33,7 тонна меваи хушк, 1214 кило атриёт, 6890 дона гулҳои тар, 17875 кило либосворӣ, 39,0 тонна хӯроки паранда ва ғайра ошкор ва мусодира карда шуд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Октябр 2022 c.