ИҚТИСОД
Душанбе 24 Июн 2024 04:16
10322
Дар вилояти Хатлон майдони пайдоиши малах 73 ҳазор гектар, майдони паҳншавӣ – 47 ҳазору 400 ҳазор гектарро дар бар гирифта, беш аз 42 ҳазору 261 ҳазор гектар мавриди коркарди кимиёвӣ қарор дода шудааст.

Дар ин бора маркази матбуоти раиси вилояти Хатлон хабар медиҳад.

Ба иттилои манбаъ, 7-уми майи соли ҷорӣ дар толори Мақомоти иҷроияи ҳокимияти давлатии вилояти ситоди корӣ оид ба мубориза бар зидди малах доир гардид. Дар он раиси вилоят Давлаталӣ Саид зикр намуд, ки бояд сари вақт барои нест кардани малах корҳои заруриро анҷом дод.

- Дар рафти коркарди кимиёвии мубориза бар зидди малах мо ба ҳамкорӣ бо шарикони рушд алоқамандем. Агар сари вақт мубориза бар зидди малах анҷом наёбад, шояд зарараш ба зироатҳо ва заминҳои кишоварзӣ ҳам расад,-зикр намуд раиси вилоят.

Гуфта мешавад, ки айни замон ба хотири пешгирӣ аз хуруҷи малахи марокашӣ дар вилояти Хатлон ва омодагии доимии техникаҳо Ситоди мубориза бар зидди малах таъсис дода шуда, то имрӯз аз ҷониби Мақомоти иҷроияи ҳокимияти давлатии вилояти Хатлон ҷиҳати пешгирӣ аз паҳншавии малах заҳрхимикатҳо, сӯзишворӣ ва дигар воситаҳои зарурӣ дастрас гардидааст.

Аз ҷумла, ба шаҳру ноҳиҳои Вахш 60 адад, Кӯшониён 50 адад, Левакант 30 адад, Панҷ 60 адад заҳрдоруи намуди “Каратэ” тақсим карда шудааст.

Эзоҳи худро нависед



Рамзҳо дар расм