Дар нимсолаи аввали соли 2025 ба ҷумҳурӣ 613,3 ҳазор тонна гандум ба маблағи 143,6 млн доллар, бо нархи миёнаи 234 доллар барои 1 тонна ворид карда шудааст, ки нисбат ба ҳамин давраи соли гузашта воридоти он 149,6 ҳазор тонна ё 32,2% зиёд мебошад.

Дар ин бора Ҳайдаралӣ Раҷабзода, сардори Хадамоти зиддиинҳисории назди Ҳукумати Ҷумҳурии Тоҷикистон зимни нишасти хабарӣ иттилоъ дод.

Гуфта шуд, ки дар ин давра дар ҷумҳурӣ истеҳсоли гандум дар ҳама категорияҳои хоҷагиҳо 579,0 ҳазор тоннаро ташкил намудааст, ки нисбат ба ҳамин давраи соли гузашта ба миқдори 2,8 ҳазор тонна ё 3,7% зиёд аст.

- Дар ин давра ҳаҷми умумии маҳсулоти воридгардида, 92,81% ба Ҷумҳурии Қазоқистон, 5,20% ба Федератсияи Русия, 1,95% ба Ҷумҳурии Узбекистон, 0,03% ба Ҷумҳурии Туркия ва 0,01% ба Ҷумҳурии Италия рост меояд, - гуфт Ҳайдаралӣ Раҷабзода.

М. МУҚАДАМОВА, “ҶТ”