Дар соли 2023 кумакпулиҳои суғуртаи иҷтимоӣ дар корхонаву муассисаҳо ба маблағи 289,9 млн сомонӣ расидааст, ки нисбат ба соли гузашта 49 млн сомонӣ зиёд мебошад.

Дар ин бора Аламхон Наимӣ, муовини директори Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон зимни нишасти матбуотӣ хабар дод.

Ӯ гуфт, ки кумакпулиҳо бештар барои ҳомиладорӣ, нигоҳубини кӯдак ва ҳамчунин барои ташкили табобати курортию санаторӣ ва солимгардонии кормандон дар муассисаҳо равона гардидаст.

Ҳамчунин мавсуф илова намуд, ки соли 2023 ба Федератсияи иттифоқҳои касабаи мустақили Тоҷикистон барои ташкили истироҳати тобистонаи кӯдакон аз оилаҳои камбизоат дар истироҳатгоҳҳои ҷумҳурӣ дар ҳаҷми 3,8 млн сомонӣ маблағгузорӣ карда шудааст, ки нисбати соли гузашта 183 ҳазор сомонӣ зиёд мебошад.

Наҷиба МУРОДБЕКОВА, "ҶТ"