ИҚТИСОД
Шанбе 25 Май 2024 10:17
9964
Сироҷиддинзода Баҳриддин, директори Агентии содироти назди Ҳукумати Ҷумҳурии Тоҷикистон имрӯз – 9 январ дар масъалаи рушди тиҷорати электронӣ ва омодагии Тоҷикистон барои татбиқи лоиҳаи тиҷорати электронии “Wildberries” хабар дод.

Ӯ гуфт “Тоҷикистон барои ворид шудан ба ин системаи тиҷоратӣ омода аст ва мансабдорони баландпояи Тоҷикистон бо ҳамтоёни руси худ дар ин масъала гуфтушунидҳо анҷом додаанд. Дар назар аст, ки ояндаи наздик низоми “Wildberries” дар кишвари мо низ ба роҳ монда мешавад”.

Ба қавли директори Агентии содирот, дар ҷаласаи 19-уми Комиссияи муштараки байниҳукуматии Тоҷикистону Русия доир ба ҳамкориҳои иқтисодӣ, ки таҳти роҳбарии Қоҳир Расулзода, Сарвазири Ҷумҳурии Тоҷикистон баргузор гардид, бобати рушди тиҷорати электронӣ байни ин кишварҳо пешниҳодҳо сурат гирифта буд.

Хотиррасон мекунем, ки тиҷорати электронии “Wildberries” яке аз маъмултарин бозор дар Федератсия Русия мебошад. Дар он қариб ҳамаи маҳсулоти рӯзгор дастрас аст. Ин навъи тиҷорат дар кишварҳои Русия, Белорусия, Қазоқистон, Қирғизистон, Арманистон, Исроил, Молдовия, Туркия, Узбекистон ва Озарбойҷон фаъол аст.

Наҷиба МУРОДБЕКОВА, “ҶТ”

Эзоҳи худро нависед



Рамзҳо дар расм