Бо рушди соҳаи моҳипарварӣ шумораи хоҷагиҳои моҳипарварӣ дар ҷумҳурӣ ба 384 адад расонида шудааст. Тибқи маълумоти оморӣ соли 2023 дар ҷумҳурӣ 5454 тонна моҳӣ парвариш гардидааст, ки нисбат ба ҳамин давраи соли пешин шумораи хоҷагиҳои моҳипарварӣ 12 адад ва истеҳсоли моҳӣ 708 тонна зиёд мебошад.

Дар ин бора 1 феврал зимни нишасти хабарии Вазорати кишоварзии Ҷумҳурии Тоҷикистон иттилоъ дода шуд.

Ҳамзамон гуфта шуд, ки дар ноҳияи Ҷаббор Расулов аз ҷониби ҶДММ “Корпоратсияи моҳии тоҷик” марҳилаи дуюми ҳавзҳои парвариши гулмоҳӣ дар масоҳати 1 гектар ташкил гардида, дар онҳо парвариши 100 ҳазор моҳича ба роҳ монда шудааст.