ИҚТИСОД
Душанбе 20 Май 2024 01:03
10095
Пешвои миллат муҳтарам Эмомалӣ Раҳмон ба масъулини соҳаи саноати кишвар дастур доданд, ки корхонаи азими саноатӣ - ҶДММ “Иттиҳодияи Истеҳсолии Нассоҷии Тоҷик”-ро навсозӣ карда, иқтидори истеҳолии онро боло баранд.

Ин дастур имрӯз - 13 март зимни шиносоии Сарвари давлат ва раиси шаҳри Душанбе аз ин корхонаи азими саноатӣ содир шудааст.

Тавре president.tj менависад, “зимни шиносоӣ бо фаъолияти иттиҳодияи истеҳсолӣ Президенти мамлакат муҳтарам Эмомалӣ Раҳмон ба масъулин барои ҷалби сармояи дохилию хориҷӣ, ворид намудани технологияи муосир, навсозии ин корхонаи азими саноатӣ, боло бурдани иқтидори истеҳолии корхона ва таъсиси ҳазорҳо ҷой нави корӣ барои духтарону бонувон, дастуру супоришҳои мушаххас доданд”.

Пешвои миллат супориш доданд, ки ҷиҳати татбиқи босамари ҳадафи чоруми стратегии Ҳукумати мамлакат - саноатикунонии босуръати кишвар ва дар доираи “Солҳои рушди саноат”, 2022-2026 бо истифода аз ҳамаи имкониятҳо иқтидори корхона боло бардошта шуда, истеҳсоли маҳсулоти тайёру босифати ивазкунандаи воридот ва ба содирот нигаронидашуда ба роҳ монда шавад.

Бояд гуфт иқтидору захираҳои корхонаи нассоҷии тоҷик имкон медиҳад дар ин ҷо бо истифода аз ашёи хоми ватанӣ занҷираи пурра - ресандагӣ, бофандагӣ, рангубори матоъ ва дӯзандагӣ барои истеҳсоли маҳсулоти ниҳоӣ ба роҳ монда шавад.

Эзоҳи худро нависед



Рамзҳо дар расм