Тавре сардори Саридораи геологияи назди ҲҶТ Илҳомҷон Оймуҳаммадзода зимни нишасти хабарӣ иттилоъ дод, давоми соли 2024 корҳои омӯзиши геологӣ аз ҳисоби маблағҳои буҷети давлатӣ аз рӯи 29 лоиҳа ба маблағи беш аз 19 млн 136,4 ҳазор сомонӣ дар объектҳои металҳои сиёҳ, ранга, қиматбаҳо, нодир, сангҳои худҷило ва ороишӣ, гидро геология, геологияи муҳандисӣ ва геоэкология ба роҳ монда шуд. Иҷрои корҳои шартномавӣ ва пудратӣ ва дар маҷмуъ корҳо бо усули хоҷагидорӣ нисбатан зиёд таъмин гардиданд.

Зикр гардид, ки дар радифи кашфи сангҳои қиматбаҳо ва канданиҳои фоиданок дар натиҷаи гузаронидани ташхисҳо ва корҳои ҷустуҷӯӣ, инчунин дар ин давра бо истифода аз технологияҳои муосир ҳолати имрӯзаи равандҳои экзогению геологии ҳудуди ҷумҳурӣ дақиқ карда шуда, бо барномаи ГИС бонки иттилоотӣ омода гардид. Дар натиҷа бори аввал дар Тоҷикистон “Атласи равандҳои экзогениву геологии Ҷумҳурии Тоҷикистон” таҳия ва нашр карда шуд.

Шаҳло ЭШОНОВА, “ҶТ”