Ҳангоми ҷудошавии оилаҳо ва тақсимоти манзил мардҳо низ ҳуқуқи маскун шуданро дорад. Новобаста аз он ки фазандон дар тарбияи кӣ мемонанд ва падар ё модар ба онҳо алимент месупорад.

Дар ин бора Умед Бобозода, ваколатдор оид ба ҳуқуқи инсон дар Ҷумҳурии Тоҷикистон зимни нишасти матбуотӣ гуфт.

Ӯ гуфт, ки баҳсҳо дар бораи аъзои оилаи молики манзили истиқоматӣ эътироф кардани шахс бо тартиби судӣ ҳал карда мешавад. Дар ҳолати ниёз доштани мард ба манзили истиқоматӣ ва молики манзил будани зан, мард ҳамчун аъзои оила эътироф шуда, метавонад тариқи судӣ маскун карда шавад.

Инчунин, дар таҷриба тариқи судӣ маскун кардани мард дар манзили истиқоматии ҳамсар ҷой дорад,- иброз намуд У. Бобохонзода.

Хотиррасон мекунем, ки тибқи қисми 1, моддаи 24 Кодекси манзили Ҷумҳурии Тоҷикистон, ҳамсар, фарзандон, падару модар, бобо, бибӣ, наберагон ва аберагони молик (соҳиби манзил), ки дар манзили истиқоматии молик бо ӯ доимӣ истиқомат мекунанд, аъзои оилаи молики манзили истиқоматӣ эътироф карда мешаванд.

Наҷиба МУРОДБЕКОВА, “ҶТ”