ИҚТИСОД
Шанбе 21 Сентябр 2019 09:03
1224
Имрӯз, 27 июл, бо ташаббуси Сафорати Ҷумҳурии Туркманистон дар Тоҷикистон ва Маркази тадқиқоти стратегии назди Президенти Тоҷикистон бахшида ба нақши гузаргоҳҳои нақлиётиву транзитӣ барои расидан ба ҳадафҳои рушди устувор конфронси байналмилалии илмӣ-амалӣ баргузор гардид. Дар кори он сафирони як қатор давлатҳо иштирок карданд.

Зулфия Ёрова, муовини вазири нақлиёти Тоҷикистон гуфт: “Дар таърихи тамаддуни инсонӣ роҳҳои нақлиётӣ дар ҳама ҷабҳаҳои ҳаёт, аз ҷумла сиёсат, иқтисод, фарҳанг ҳамеша нақши бузург дорад. Барои ҳамин Ҳукумати кишвар ба масъалаи бунёди роҳҳои таъиноти минтақавию байналмилалӣ диққати ҷиддӣ зоҳир месозад. То кунун баҳри ба даст овардани яке аз мақсадҳои асосӣ - раҳонидани кишвар аз бунбасти коммуникатсионӣ лоиҳаҳои зиёди зерсохторӣ ва азнавсозии роҳҳо амалӣ гаштанд. Дар шароити афзудани робитаҳои иқтисодӣ байни минтақаи мо, Аврупо ва дигар манотиқи олам ҳамкорӣ дар ҷодаи нақлиёт ва коммуникатсия яке аз масоили муҳим дар назди кишварҳои мо маҳсуб меёбад. Бунёди долони ягонаи нақлиётӣ баҳри ривоҷи тиҷорату ҳамкориҳои иқитисодӣ дар маҷмуъ барои минтақа такони ҷиддӣ хоҳад дод”.
    
Зикр гардид, ки ки маблағи умумии лоиҳаҳои амалишуда дар соҳаи нақлиёт зиёда аз 1 миллиард доллари ИМА-ро ташкил дода, айни замон лоиҳаҳо бо маблағи қариб 880 млн. доллари ШМА амалӣ шуда истодааст.

Чари Атаев, сафири Туркманистон дар Тоҷикистон, Фирӯза Қосимова, сардори Раёсати давлатҳои узви ИДМ, Олег Иванов, сафири Белорус дар Тоҷикистон, Агибай Смагулов, сафири Қазоқистон дар Тоҷикистон ва дигарон дар мавзӯъҳои “Баъзе ҷанбаҳои ҳамкорӣ миёни Тоҷикистон ва Туркманистон дар татбиқи ҳадафҳои стратегӣ барои рушди устувор”, “Ташаббусҳои Туркманистон ба сохтмони меъмории муосири нави нақлиёт ва долонҳои транзит”, “Имкониятҳои рушди долонҳои иқтисодӣ дар Осиёи Марказӣ”, “Афзалияти долонҳои нақлиётиву транзитӣ дар таъмини рушди устувори иқтисодӣ дар Тоҷикистон”, “Таъмини долонҳои нақлиётӣ байни Тоҷикистон ва Туркманистон” ва монанди инҳо маърӯза карданд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.