Нусратулло Давлатзода, раиси Кумитаи андози назди Ҳукумати Ҷумҳурии Тоҷикистон дар нишасти хабарӣ иброз намуд, ки аз боиси иҷро нагаштани нақшаи ҷамъоварии андоз дар як қатор шаҳру ноҳияҳо дар нимсолаи аввали соли ҷорӣ, ба буҷаи кишвар 60 миллион сомонӣ кам маблағ ворид гардид.

Ӯ ҳамчунин зикр кард, ки қарздорони калон ҶСК “НОБ Сангтуда 1” (245,6 млн. сомонӣ), ҶСК “НБО Роғун” (55,8 млн. сомонӣ), ҶСК “Тоҷиктелеком” ва корхонаҳои тобеи он (123,3 млн. сомонӣ) маҳсуб меёбанд.

- Новобаста аз фароҳам овардани шароити мусоид барои бақайдгирии субъектҳои хоҷагидор, рушди соҳибкорӣ, беҳтар намудани хизматрасониҳои давлатӣ, ташкили рақамикунонӣ ва амалӣ намудани доду гирифти маълумотҳо миёни вазорату идораҳо дар шакли электронӣ, ҳоло ҳам аз ҷониби субъектҳои хоҷагидор ба қонунвайронкуниҳо роҳ дода мешавад, - гуфт Н. Давлатзода.

Таҳмина ЮСУФӢ, “ҶТ”