Дар нимсолаи якуми соли ҷорӣ аз тарафи Кумитаи рушди маҳали назди Президенти Ҷумҳурии Тоҷикистон корҳо дар минтақаҳои озоди иқтисодии кишвар ба таври назаррас ҷоннок карда шуда, ҷиҳати фароҳам овардани шароити мусоид барои ҷалби сармояи хориҷӣ, технологияҳои нав,  бунёди инфрасохтори муосир чораҳои назаррас андешида шудааст.

Дар ин бора Қурбонзода Бек Хол, муовини аввали Кумитаи рушди маҳали назди Президенти Ҷумҳурии Тоҷикистон, 14 июл зимни нишасти хабарӣ иттилоъ дода, гуфт: "Бо мақсади фароҳам овардани шароити мусоид барои ҷалби сармояи хориҷӣ, технологияҳои нав, барои бунёди инфрасохтори муосир, ҷиҳати мусоидат ба масъалаҳои шуғли аҳолӣ ва таъсиси ҷойҳои нави корӣ, инчунин ғани намудани бозори дохилӣ ва истеъмолӣ, маҳсулоти саноатӣ, баланд бардоштани сатҳу сифати зиндагии аҳолӣ дар шаҳрҳои Хуҷанд ва Кӯлоб, ноҳияҳои Данғара, Панҷ ва Ишкошим минтақаи озоди иқтисодӣ таъсиси дода шуданд."

Акобир ШАРИПОВ