Палатаи савдо ва саноати Ҷумҳурии Тоҷикистон соли гузашат дар 30 намоишгоҳҳои байналмилалӣ иштирок кардааст.

Дар ин бора имрӯз 7 феврал Ҳайдар Раҷабзода, иҷрокунандаи вазифаи раиси Палатаи савдо ва саноат зимни нишасти хабарӣ иттилоъ дод.

Ҳайдар Раҷабзода зикр намуд, ки ин намоишгоҳҳо дар 9 давлати дунё аз қабили Узбакистон, Эрон, Ҳиндустон, Олмон ва Қатар баргузор шуда буд.

Инчунин, гуфта шуд, ки Палатаи савдо дар доираи намоишгоҳҳо ва бизнес - форумҳои доир гардида, дар умум 243 санади нави ҳамкорӣ миёни корхонаҳои ватаниву хориҷиро ба имзо расонидааст, ки зиёда аз 183 адади онҳоро Ёддошти тафоҳум оид ба ҳамкорӣ, 20 санад вобаста ба содироти молу маҳсулот аз Ҷумҳурии Тоҷикистон ба кишварҳои хориҷаи дуру наздик ва 40 адади дигарро санадҳо оид ба хариди молу маҳсулот, таҷҳизотҳо аз кишварҳои хориҷ барои ворид ба Ҷумҳурии Тоҷикистон ташкил медиҳад.

Гулафшон КАРИМОВА, “ҶТ”