Ба Прокуратураи генералӣ 47 ҳазору 187 муроҷиатҳои шахсони воқеӣ ва ҳуқуқӣ дар соли 2025 ворид гардид.

Ин нуктаро имрӯз - 13 феврал Ҳабубулло Воҳидзода, Прокурори генералии Ҷумҳурии Тоҷикистон зимни нишасти хабарӣ ба рӯзноманигорон иттилоъ дода гуфт, ки аз ин шумора 13 ҳазору 828 адади онҳо бевосита баррасӣ ва аз ин миқдор 3 ҳазору 448 адад қонеъ карда шудааст.

Ҳамчунин, зикр шуд, ки дар самти назорати иҷрои қонунҳо оид ба ноболиғон ва ҷавонон 6 ҳазору 621 санадҳои эътиноӣ оварда, 10086 нафар ба ҷавобгарии интизомӣ, моддӣ ва маъмурӣ кашида шуда, 755 парвандаи ҷиноятӣ оғоз ва 45,4 млн сомонӣ зарар барқарор карда шудааст.

Дар идома иброз гардид, ки прокуророн назоратро бо 25 ҳазору 80 парвандаҳои ҷиноятӣ таъмин намуда, аз ин 14 ҳазору 41 парвандаро барои баррасӣ ба суд ирсол намуданд.

Ҳамзамон, иттилоъ дода шуд, ки муфаттишони прокуратура тафтиши 4 ҳазору 481 парвандаи ҷиноятиро ба итмом расонида, дар рафти тафтиши пешакӣ 112 млн сомонӣ, аз ҷумла 73,5 млн сомониро ба манфиати давлат барқарор намудаанд.

Гулафшон КАРИМОВА, “ҶТ"