ИҚТИСОД
Чоршанбе 28 Июн 2017 12:13
1821
31 октябр дар доираи 9-умин намоишгоҳи “Молистеҳсолкунандагони Ноҳияи Мухтори Синзян Уйғури Ҷумҳурии Мардумии Чин - Тоҷикистон - 2016” дар Маҷмааи давлатии “Кохи Борбад” ҳамоиши соҳибкорони Тоҷикистону Чин доир гардид.

Одил Сангов, муовини раиси Палатаи савдо ва саноати ҷумҳурӣ мақсад аз баргузории ҳамоишро мубодилаи афкор оид ба рушди ҳамкориҳои дуҷониба, ба миён омадани пешниҳодҳои муфид баҳри густариш, пайдо намудани мавқеи байналмилалӣ ва баланд бардоштани ҳаҷми гардиши мол миёни ду кишвар арзёбӣ намуд.

Дар рафти ҳамоиш роҳбари Департаменти тиҷоратии Ҳукумати мардумии Ноҳияи Синзян Уйғури Чин Хи Имин иброз дошт: “Имрӯз мо шоҳиди аз нав барқарор шудани “Роҳи Абрешим”-и бузург гардидем, ки он тули асрҳо Шарқро ба Ғарб тавассути роҳҳои тиҷоративу иқтисодӣ ва фарҳангиву дипломатӣ мепайваст. Шод аз он ҳастем, ки Тоҷикистон кӯшишҳои Ҳукумати Чинро дар рушди босуботи тиҷоративу иқтисодӣ пайваста дастгирӣ менамояд. Мо тарафдори рушди ҳама гуна роҳҳои нави тиҷоратӣ ва бароҳандозии бандарҳои тиҷоратӣ мебошем. Чин ва Тоҷикистонро муносибати бисёрсолаи дӯстӣ ва ҳамсоягӣ бо ҳам мепайвандад”.

Дар ҳамоиш доир ба сармоягузорӣ ва рушди соҳибкории инфродӣ дар 4 минтақаи озоди иқтисодии кишвар маълумот дода шуд.

Эзоҳи худро нависед



Рамзҳо дар расм