Арзиши автомобилҳои нав дар Русия дар нуҳ моҳи соли равон ба андозаи 20% боло рафт. Брендҳои алоҳида бошанд, нархро ба андозаи 40% боло бурдаанд. Ин тамоюл аз тобистони соли гузашта оғоз шуда, ҳар моҳ ба андозаи 1 то 2 % афзоиш меёбад. Мутахассисон сабабҳои инро дар камчинии маҳсулот, беқурбшавии пул ва воридоти моделҳои нав арзёбӣ мекунанд.

Дар ин давра нархи автомобилҳои Volkswagen ба андозаи 5-10%, моделҳои маҳдуди Mitsubishi аз 2,5 то 14%, тамғаҳои хориҷии он -15%, Hyundai -10%, Kia- аз 5 то 20%, Volvo – аз 5 то 10% боло рафтааст. Арзиши BMW бошад, ба андозаи 10-25% боло рафт.

Аммо нархи Mercedes-Benz ҳамагӣ 2,5% афзоиш ёфта, нархи Aston Martin ва Ferrari бетағйир боқӣ мондааст.

Мутахассисон иброз медоранд, ки тамоюли болоравии нархи автомобилҳо то охири сол идома хоҳад ёфт.