ИҚТИСОД
Душанбе 30 Январ 2023 12:52
9014
Бонки саноативу содиротии Тоҷикистон “Саноатсодиротбонк” дар нуҳ моҳи соли равон ба соҳибкорони мамлакат ба миқдори 143,7 млн. сомонӣ ҷудо намудааст, ки аз ин 89,9 млн. сомонӣ ба бахши саноат рост меояд.

Дар ин бора аз маркази матбуоти “Саноатсодиротбонк” ба АМИТ “Ховар” иттилоъ додаанд.

Бонки саноативу содиротии Тоҷикистон “Саноатсодиротбонк” бо мақсади амалӣ намудани ҳадафи стратегии миллии Ҷумҳурии Тоҷикистон ҷиҳати дастгирии соҳибкорон ба соҳаҳои истеҳсолӣ, кишоварзӣ, савдою хизматрасонӣ ва бахшҳои мухталифи иқтисодиёти ҷумҳурӣ маблағҳои қарзӣ равона намудааст. Қарзҳои пешниҳодшуда аз рӯи минтақа 47 шаҳру ноҳияҳои ҷумҳуриро фаро гирифтаанд.

Гуфта мешавад, ки 89,9 млн. сомонии ин қарзҳо ба соҳаи саноат, 4,3 млн сомонӣ ба кишоварзӣ, 6,1млн. сомонӣ ба хизматрасонӣ, 19,3 млн. сомонӣ ба сохтмон ва 24,1 млн. сомонӣ ба тиҷорат рост меояд.

Ҳамчунин уҳдадориҳо ва сармояи бонк нисбат ба ҳамин давраи соли гузашта афзоиш ёфтааст.

Бонки мазкур ҷиҳати дастгирии корхонаҳои навтаъсис, амалкунанда ва соҳибкорони инфиродӣ қарзҳои имтиёзнок пешниҳод карда, муҳлати қарзро барои соҳибкорони истеҳсолӣ аз 36 моҳ то ба 60 моҳ дароз намуд. Инчунин бонк тасмим гирифтааст, ба соҳибкорони ватание, ки ба истеҳсол ва ё воридоти анвои ғизои мавриди ниёзи аввал машғуланд, қарзро бо 14 фоиз ба муҳлати то 5 сол пешниҳод намояд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Январ 2023 c.