Дар нимсолаи якуми соли ҷорӣ сатҳи таваррум дар Ҷумҳурии Тоҷикистон коҳиш ёфтааст.

Дар ин бора имрӯз Фирдавс Толибзода, раиси Бонки миллии Тоҷикистон зимни нишасти хабарӣ иттилоъ дод.

Ӯ зикр кард, ки ин нишондиҳанда нисбати ҳамин давраи соли гузашта 0,4 банди фоизӣ кам мебошад.

Гуфта шуд, ки нишондиҳандаи мазкур асосан аз ҳисоби болоравии нархи маҳсулоти хӯрокворӣ 1,3 фоиз, молҳои ғайрихӯрокворӣ 1,6 фоиз ва арзиши хизматрасониҳои пулӣ 4,0 фоиз ба амал омад.

Таварруми солона бошад, дар моҳи июни соли ҷорӣ дар ҳудуди поёнии нишондиҳандаи мақсаднок қарор дошта, 3,5 фоизро ташкил дод, ки дар муқоиса ба ҳамин давраи соли 2023-юм 1,1 банди фоизӣ зиёд мебошад.

Мавриди зикр аст, Президенти Ҷумҳурии Тоҷикистон муҳтарам Эмомалӣ Раҳмон дар Паёми солонаашон гуфта буданд, ки сатҳи таваррум дар Тоҷикистон дар соли 2023 сарфи назар аз болоравии назарраси арзиши молу маҳсулот дар ҷаҳон, ҳамагӣ 3,8%-ро ташкил медод.