Соли гузашта аз кишвар 191,2 ҳазор тонна маҳсулоти кишоварзӣ бо маблағи 54,3 млн. доллари ИМА содирот карда шудааст, ки ин нисбат ба ҳамин давраи соли гузашта содирот аз рӯи ҳаҷм 17,6 ҳазор тонна кам буда, аз рӯи арзиши гумрукӣ 17,6 млн. доллари ИМА зиёд мебошад.

Ин нуктаро 30 январ зимни нишасти хабарӣ Қурбон Ҳакимзода, вазири кишоварзии ҷумҳурӣ баён намуд.

Гуфта шуд, ки дар ин давра дар таркиби содирот, миқдори маҳсулоти сабзавотӣ бештар буда, 76,6 ҳазор тонна ё 40,4 фоизро ташкил медиҳад. Ҳаҷми содироти маҳсулотҳои дигар, аз ҷумла меваҷот 54,5 ҳазор тонна ё 28,8 фоиз ва меваи хушк 52, 4 ҳазор тонна ё 27,7 фоизро дар бар мегирад.

Таъкид гардид, ки маҳсулоти кишоварзӣ ба зиёда аз 20 давлати хориҷӣ содирот шудааст.