Тадбирҳои самарабахш ва самаранок истифода намудани имкониятҳои мавҷуда ба он мусоидат намуд, ки дар нимсолаи якуми соли 2022 тибқи маълумоти оморӣ аз дохили ҷумҳурӣ ба маблағи 1 млрд. 215,2 млн. доллар маҳсулоти ватанӣ содирот гардад, ки нисбат ба ҳамин давраи соли гузашта 1,6 миллион доллар ё 0,1 фоиз зиёд мебошад.

Дар ин маврид Шавкат Бобозода, директори Агентии содироти назди Ҳукумати Ҷумҳурии Тоҷикистон 3-юми август зимни нишасти матбуотӣ иттилоъ дод.

Дар нимсолаи якуми соли 2022 ҳаҷми содироти маҳсулоти саноатӣ якҷо бо барқ 1 млрд. 180,3 млн. долларро ташкил намуд, - гуфт Ш. Бобозода.

Номбурда ҳамчунин қайд кард, ки дар натиҷаи тадбирҳои андешидаи Ҳукумати Ҷумҳурии Тоҷикистон дар самти зиёд намудани содироти маҳсулоти кишоварзӣ дар нимсолаи якуми соли 2022 тибқи маълумоти оморӣ содироти маҳсулоти кишоварзӣ дар маҷмӯъ 27 млн. 727,5 ҳазор долларро ташкил дода, нисбат ба ҳамин давраи соли гузашта 15 млн. 570,5 ҳазор доллар ё 28,1 фоиз зиёд мебошад. Аз рӯи ҳаҷм бошад, содироти маҳсулоти кишоварзӣ 115,2 ҳазор тоннаро ташкил намуда, нисбат ба ҳамин давраи соли гузашта 8,7 ҳазор тонна ё 8,2 фоиз зиёд мебошад.

Ҳошим РАҲМАТУЛЛОЕВ, "ҶТ"