Раҳмоналӣ Раҷабалӣ раиси Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон 5 феврал зимни нишасти матбуотӣ изҳор дошт, ки соли 2024 бар асари офатҳои табиӣ дар маҷмуъ 334 хона зарар дидааст, ки аз ин шумора 102 хона пурра, 58 хона қисман, 174 хона зарари сабук ва 1915 адад иншоотҳои ёрирасон зарар дидаанд.

Ҳамзамон гуфта шуд, ки илова бар ин, 12 мактаб ва муассисаҳои томактабӣ, 13 ишооти маданиву маишӣ, 542 км роҳҳои нақлиёт, аз ҷумла 58 км роҳҳои магистралӣ, 80 адад купрук, 130,9 км хатҳои интиқоли барқ, 154 км хатҳои обёрӣ ва каналҳо, 29,7 км иншоотҳои соҳилмустаҳкамкунӣ, 35 истгоҳи насосӣ ва иншооти гидротехникӣ, 10 истгоҳи фаръии трансформаторӣ зарар дидаанд. Инчунин, 2729 га заминҳои кишти зироатҳои хоҷагии қишлоқ, 1017 сар чорво, аз ҷумла 191 сар чорвои калон, 823 сар чорвои хурд ва дар 26 ҳавз моҳӣ талаф ёфтааст.

- Ҳамчунин, давоми соли 2024 корҳои зидди жолазанӣ роҳандозӣ шуда, барои таъмини саривақтии ҳифзи зироатҳои кишоварзии хоҷагиҳои ҷумҳурӣ аз офатҳои табиӣ - боришоти жола, аз ҷониби Хадамоти зидди жолаи Кумита корҳои мавсимӣ моҳи апрели соли 2024 оғоз карда шуда, бо истифода аз 891 адад мушак, 229 минтақаи хавфноки жолаовар майдони 618 ҳазор гектар заминҳои кишоварзии хоҷагиҳои водии Ҳисор ва вилояти Хатлонро аз офатҳои табиӣ - боришоти жола ҳифз намуд. Барои гузаронидани корҳои мавсимӣ дар соли 2025 бошад 964 адад мушак захира карда шудааст. -гуфт Р. Раҷабалӣ

Наҷиба МУРОДБЕКОВА, "ҶТ"