ИҚТИСОД
Душанбе 24 Июн 2024 01:54
10280
Вазири молияи Тоҷикистон бо Президенти Бонки Аврупои Таҷдид ва Рушд маблағгузории лоиҳаи сохтмони роҳи автомобилгарди дусатҳа дар шаҳри Душанберо баррасӣ карданд.

Дар ин бора Вазорати молияи кишвар иттилоъ дода гуфтааст, ки дар ин маврид вохӯрии ҷонибҳо Вазири молияи Тоҷикистон - Қаҳҳорзода Файзиддин бо Президенти Бонки Аврупоии Таҷдид ва Рушд – хонум Одил Рено-Бассо, нимаи дуюми рӯзи 29 апрели соли ҷорӣ сурат гирифтааст.

Манбаъ иттилоъ медиҳад, ки дар ҳошияи вохӯрӣ маросими баимзорасонии созишномаҳои қарзӣ байни Ҷумҳурии Тоҷикистон ва Бонки Аврупоии Таҷдид ва Рушд барои маблағгузории лоиҳаи “Сохтмони роҳи автомобилгарди дусатҳа дар чорроҳаи С. Шерозӣ ва Ҳ. Шерозӣ пайваст ба кӯчаи А. Қаҳҳорови шаҳри Душанбе” баргузор гардид.

- Ҳадафи татбиқи созишномаи лоиҳаи “Сохтмони роҳи автомобилгарди дусатҳа дар чорроҳаи С. Шерозӣ ва Ҳ. Шерозӣ пайваст ба кӯчаи А. Қаҳҳорови шаҳри Душанбе” ин баланд бардоштани самаранокӣ ва беҳтар намудани ҳаракати воситаҳои нақлиёт тавассути минтақаҳои болозикр, паст намудани ҳолатҳои тамбашавӣ ва таъмини бехатарии ҳаракати нақлиёт ва пиёдагардҳо дар ҳудуди шаҳри Душанбе мебошад”, - зикр мекунад манбаъ.

Гуфта мешавад, ки маблағи созишномаи мазкур 28 млн 450 ҳазор евроро ташкил намуда, аз ҳисоби маблағҳои қарзии Бонки Аврупоии Таҷдид ва Рушд сармоягузорӣ мегардад.

Эзоҳи худро нависед



Рамзҳо дар расм