Дар нимсолаи аввали соли равон дар судҳои иқтисодии ҷумҳурӣ 1592 парвандаи иқтисодӣ баррасӣ гардидааст, ки нисбат ба ҳамин давраи соли гузашта 211 адад кам мебошад.

Ин нуктаро 7 август Мирзозода Рустам, раиси Суди Олиии иқтисодии кишвар зимни нишасти матбуотӣ баён кард.

“Бо баровардани ҳалнома 810 парванда парванда қатъ карда шуда, 144 ариза бебаррасӣ мондааст. Қабули 7 ариза рад шуда, 1 парванда аз рӯи тобеият ва 255 арзу дархост барои ба талаботи қонунгузории мурофиавӣ ҷавобгӯй набуданашон баргардонида шудаанд”,- илова кард номбурда.

Таъкид гардид, ки дар суди марҳилаи кассатсионӣ 150, дар суди марҳилаи назоратӣ 149 ва дар раëсати Суди Олии иқтисодӣ 7 парванда баррасӣ шудааст. Ҳамчунин дар ин давра, зимни муроҷиат бо аризаҳои даъвогӣ ба судҳои иқтисодӣ 1 миллиону 153 ҳазору 617,09 сомонӣ боҷи давлатӣ пардохт шудааст.

Гулафшон КАРИМОВА, “ҶТ”