ИҚТИСОД
Якшанбе 08 Сентябр 2024 04:51
![1265](/upload/iblock/4ee/%D0%BC%D0%B8%D1%80%D0%B7%D0%BE-%D0%B8%D1%81%D0%BC%D0%BE%D0%B8%D0%BB%D0%B7%D0%BE%D0%B4%D0%B0.jpg)
Дар нимсолаи аввали соли 2016 ҳаҷми истеҳсоли энергияи барқ 7,1 млрд. кВт/соатро ташкил дод. Дар ин давра 1479,4 млн. кВт/соат энергияи барқ харидорӣ ва 586,1 млн. кВт/соат содирот шудааст.
Мирзо Исмоилзода, раиси Ширкати “Барқи тоҷик”, 2-юми август зимни нишасти хабарӣ иброз дошт, ки яке аз нишондиҳандаҳои истеҳсолӣ, ки ҳаррӯза зери назорати доимӣ қарор дорад, сатҳи талафоти энергияи барқ мебошад. Дар давраи ҳисоботӣ ин нишондиҳанда 15,7%-ро ташкил дода, ҳаҷми талафот ба 1352,0 млн. кВт/соат баробар шуд. Бо мақсади ба роҳ мондани ҳисоби дурусти нерӯи барқ дар нимсолаи аввали соли ҷорӣ дар маҷмуъ 17 573 адад ҳисобкунакҳои барқии муштариён аз даруни ҳавлиҳо ва 32 763 адад аз даруни хонаҳои баландошёна ба ҷои намоён бароварда шуданд.
Ширкат дар ҳамкорӣ бо Хадамоти назорати давлатӣ дар соҳаи энергетика барои паст намудани сатҳи талафоти барқ чораҳои зарурӣ андешида, дар нимсолаи дуюм тасмим гирифтааст, ки дар шабакаҳои барқи шаҳрҳои Душанбе ва Хуҷанд системаи биллингро ҷорӣ намояд.
Ҷиҳати пешгирӣ ва ошкор кардани ҳолатҳои ғайриқонунӣ истифода намудани энергияи барқ дар давраи ҳисоботӣ 9486 санади қоидавайронкунӣ ва ҳисоббаробаркунӣ бо маблағи 9,67 млн. сомонӣ тартиб дода шуда, аз он 5,7 млн. сомонӣ рӯёнида шудааст.
Ҳамзамон таъкид гардид, ки ҳаҷми фоиданокии энергияи барқи ба муштариёни ҷумҳурӣ интиқолшуда, ба 6 млрд. 566,7 млн. кВт/соат ё ба маблағи 843,6 млн. сомонӣ баробар шуд. Ҷамъоварии маблағи фурӯши энергияи барқ аз муштариёни дохилӣ дар нимсола дар маҷмуъ 663,5 млн. сомонӣ ё 78,7%-и маблағи ҳисобшударо ташкил дод. Аз аҳолӣ бошад ҷамъоварии маблағ ба 80,1 фоиз баробар аст.
Мирзо Исмоилзода, раиси Ширкати “Барқи тоҷик”, 2-юми август зимни нишасти хабарӣ иброз дошт, ки яке аз нишондиҳандаҳои истеҳсолӣ, ки ҳаррӯза зери назорати доимӣ қарор дорад, сатҳи талафоти энергияи барқ мебошад. Дар давраи ҳисоботӣ ин нишондиҳанда 15,7%-ро ташкил дода, ҳаҷми талафот ба 1352,0 млн. кВт/соат баробар шуд. Бо мақсади ба роҳ мондани ҳисоби дурусти нерӯи барқ дар нимсолаи аввали соли ҷорӣ дар маҷмуъ 17 573 адад ҳисобкунакҳои барқии муштариён аз даруни ҳавлиҳо ва 32 763 адад аз даруни хонаҳои баландошёна ба ҷои намоён бароварда шуданд.
Ширкат дар ҳамкорӣ бо Хадамоти назорати давлатӣ дар соҳаи энергетика барои паст намудани сатҳи талафоти барқ чораҳои зарурӣ андешида, дар нимсолаи дуюм тасмим гирифтааст, ки дар шабакаҳои барқи шаҳрҳои Душанбе ва Хуҷанд системаи биллингро ҷорӣ намояд.
Ҷиҳати пешгирӣ ва ошкор кардани ҳолатҳои ғайриқонунӣ истифода намудани энергияи барқ дар давраи ҳисоботӣ 9486 санади қоидавайронкунӣ ва ҳисоббаробаркунӣ бо маблағи 9,67 млн. сомонӣ тартиб дода шуда, аз он 5,7 млн. сомонӣ рӯёнида шудааст.
Ҳамзамон таъкид гардид, ки ҳаҷми фоиданокии энергияи барқи ба муштариёни ҷумҳурӣ интиқолшуда, ба 6 млрд. 566,7 млн. кВт/соат ё ба маблағи 843,6 млн. сомонӣ баробар шуд. Ҷамъоварии маблағи фурӯши энергияи барқ аз муштариёни дохилӣ дар нимсола дар маҷмуъ 663,5 млн. сомонӣ ё 78,7%-и маблағи ҳисобшударо ташкил дод. Аз аҳолӣ бошад ҷамъоварии маблағ ба 80,1 фоиз баробар аст.
Эзоҳи худро нависед