ИҚТИСОД
Шанбе 21 Сентябр 2019 08:45
1216
Дар нимсолаи аввали соли равон шумораи бонкҳо 1 адад зиёд ва ташкилолтҳои маблағгузории хурд 12 адад кам гардиданд.

Имрӯз дар қаламрави кишвар 112 ташкилоти қарзӣ, аз ҷумла 18 бонк ва 94 ташкилоти маблағгузории хурд фаъолият доранд. Дорои умумии ташкилотҳои қарзӣ 19,6 миллиард сомониро ташкил медиҳад, ки нисбат ба соли гузашта 13,8 фоиз зиёд аст.

Ба иттилои Бонки миллии Тоҷикистон, уҳдадориҳои умумӣ ва сармояи тавозуни ташкилотҳои қарзӣ дар муқоиса ба соли гузашта мутаносибан 15,7 фоиз ва 2,7 фоиз зиёд шуда, ба 17,0 миллиард сомонӣ ва 2,6 миллиард сомонӣ баробар шуданд.

Ҷамшед Нурмуҳаммадзода, раиси Бонки миллӣ, дар нишасти матбуотӣ зикр кард, ки ҳаҷми умумии бақияи пасандозҳои ташкилотҳои қарзӣ ба санаи 30 июни соли ҷорӣ 9,5 миллиард сомониро ташкил дод, ки нисбат ба ҳамин давраи соли 2015 22,5 фоиз афзудааст. Ҳаҷми пасандозҳои шахсони воқеӣ ва ҳуқуқӣ дар муқоиса ба соли қаблӣ мутаносибан 17,3 ва 31,2 фоиз афзуд. Ҳиссаи онҳо мутаносибан 59,9 ва 40,1 фоизи бақияи умумии пасандозҳоро ташкил дод.

Ҳаҷми бақияи умумии қарзҳо ба интиҳои давраи ҳисоботӣ 10,9 миллиард сомониро ташкил намуд, ки нисбат ба соли пеш 0,7 фоиз кам мебошад. Сарфи назар аз коҳишёбӣ пешниҳоди қарзҳои дарозмуддат (зиёда аз як сол) раванди болоравӣ дорад. Бақияи чунин қарзҳо дар ин нимсола 57,4 фоизи ҳаҷми умумии бақияи қарзҳоро ташкил дод, ки нисбат ба соли гузашта 8,5 банди фоизӣ зиёд мебошад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.