Агентии содироти назди Ҳукумати Ҷумҳурии Тоҷикистон дар хориҷи кишвар таъсиси Хонаҳои савдои Тоҷикистонро роҳандозӣ мекунад.

Дар ин бора имрӯз – 9 феврал Баҳриддин Сироҷиддинзода, диретори Агентии содироти назди Ҳукумати Ҷумҳурии Тоҷикистон иттилоъ дод.

Ӯ гуфт, ки барои роҳандозӣ намудани Хонаҳои савдо дар хориҷи кишвар роҳбарияти Агентӣ дар якҷоягӣ бо шарикони истеҳсоливу тиҷоратӣ бо сафирони кишварҳои муқими Тоҷикистон, намояндагони корпусҳои дипломатӣ, шарикони хориҷиву тиҷоратӣ ва ширкатҳои дохилию хориҷӣ ҳамкорӣ намуда, баргузории намоишгоҳҳо мавриди баррасӣ қарор дода шуд. Айни ҳол масъалаи таъсиси Хонаҳои савдо дар Федератсия Русия, Туркия, Арабистони Саудӣ ва Эстония баррасӣ гардида, ин иқдом дар марҳилаи амалишавӣ қарор дорад.

Бояд гуфт, ки ин иқдом баъди ба даст овардани истиқлолии кишвар бори аввал аст чун роҳандозӣ мегардад.

- Ҳадаф аз таъсиси Хонаҳои савдоро Баҳриддин Сироҷиддинзода дар фароҳам овардани шароити зарурӣ барои муаррифии маҳсулоти ватанӣ ва дарёфти бозорҳои содиротӣ барои содиркунандагони молу маҳсулот ва соҳибкорони ватанӣ номид.

Наҷиба МУРОДБЕКОВА, “ҶТ”