Ҷамшед Ҷумъахонзода, раиси Палатаи савдо ва саноати Ҷумҳурии Тоҷикистон 9 феврал зимни нишасти хабарӣ иттилоъ дод, ки соли 2022 ба узвияти ин ниҳод корхонаю ташкилотҳои нав ҷалб гардида, теъдоди умумии аъзои Палата ба 913 адад расидааст.

Номбурда ҳамчунин гуфт, ин рақам нисбат ба ҳамин давраи соли гузашта 48 адад зиёд мебошад.

-Палата дар ин давра иштироки аъзои худ ва соҳибкорони ватаниро дар кори 26 намоишгоҳи байналмилалӣ дар 13 давлати дунё, аз ҷумла Амороти Муттаҳидаи Араб, кишварҳои Корея, Малайзия, Чин, Узбекистон, Эрон, Қазоқистон, Покистон, Олмон ва Федератсияи Русия таъмин намудааст. Ҳамчунин аъзои Палата дар 21 намоишгоҳи дохилӣ низ иштирок намуданд, - афзуд Ҷамшед Ҷумъахонзода.