Дар нимсолаи аввали соли ҷорӣ истеҳсоли неруи барқ дар ҷумҳурӣ 10 млрд. 760,3 млн. кВт соатро ташкил дод, ки нисбати ҳамин давраи соли сипаришуда 209,3 млн. кВт соат зиёд ва суръати афзоиш 103,3% таъмин шуд.

Дар ин бора Ҷумъа Далер Шофақир, вазири энергетика ва захираҳои оби Ҷумҳурии Тоҷикистон зимни нишасти хабарӣ иттилоъ дод.

Номбурда дар идома иброз дошт, ки ҷамъоварии умумии маблағ дар ин давра 2 млрд. 255,1млн. сомониро ташкил медиҳад, ки нисбати ҳамин давраи соли гузашта 434 млн. сомонӣ ё 23,8% зиёд мебошад.

Вобаста ба содироти неруи барқ таъкид шуд, ки ҳаҷми умумии содироти неруи барқ 973,7млн. кВт соат ё 328, 8 млн. сомониро ташкил медиҳад.

Р. ОДИНАЕВ,
Ф. САФАРОВА, “ҶТ”