ИҚТИСОД
Ҷумъа 07 Август 2020 10:36
7193
Давоми шашмоҳаи соли равон аз тарафи кормандони Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар ВМКБ 78 ҷинояти коррупсионӣ ва иқтисодии хусусияти коррупсионидошта ба қайд гирифта шудаст, ки маблағи умумии зарар аз ҳисоби он, 1 миллиону 333 ҳазору 551 сомонӣ мебошад, - гуфт дар нишасти хабарӣ Руслан Зиёбекзода, муовини аввали сардори раёсат.

- Аз ин, 746 ҳазору 161 сомонӣ ба давлат ва 590 ҳазору 390 сомонӣ ба ҷамъият зарари молиявӣ расонида шудааст. Малблағи умумии барқароршуда дар ин давра 512 ҳазору 583 сомониро ташкил медиҳад, ки аз ин ба буҷети давлат 26 ҳазору 189 сомонӣ, ташкилоти давлатӣ 33 ҳазору 54 сомонӣ ва ташкилоти ғайридавлатӣ 450 ҳазору 107 сомонӣ барқарор гашт, - иброз намуд номбурда.

Аз рӯи ҷиноятҳои ошкоргардида шахсияти 52 нафар барои содир намудани ҷиноятҳои коррупсиониву иқтисодии хусусияти коррупсионидошта муайян шудааст. Дар натиҷаи тафтишот зарари молиявӣ ба маблағи 1 миллиону 129 ҳазору 584 сомонӣ ошкор гардида, маблағи рӯёнидашуда 1 миллиону 9 ҳазору 453 сомонӣ ташкил дод ва аз ин ,1 миллиону 4 432 сомонӣ ба буҷети давлат барқарор гашт.

Дар натиҷаи роҳандозии чорабиниҳои оперативӣ – ҷустуҷӯӣ, корҳои фаҳмондадиҳӣ миёни аҳолии шаҳри Хоруғу ноҳияҳои ВМКБ, аз ҷониби шахсони алоҳида ихтиёран силоҳи оташфишону лавозимоти ҷангӣ аз қабили ду адад ТОЗ – 8, 64 адад тирҳои қутраш 7, 62 ва 248 адад тирҳои 5, 45 мм, 12 адад тирҳои 9 миллиметра, як милу ду тирдони автомати Калашникова дарёфт ва ба агентӣ супорида шуд. Инчунин, дар натиҷаи амалиёти “Кӯкнор” аз ҷониби кормандони раёсат 1000 бех растаниҳои худрӯйи канапиля дар ҳудуди вилоят решакан гардидааст.

Дар давраи ҳисоботӣ ба истеҳсолоти суди Вилояти Мухтори Кӯҳистони Бадахшон бо назардошти парвандаҳои боқимонда аз солҳои қаблӣ 22 парванда дохил шудааст, ки он дар муқоиса ба нимсолаи аввали соли 2019 10 адад кам мебошад, - иброз намуд Шоғуфрон Усмонзода, раиси суди вилоят.

Аз ҳисоби умумии парвандаҳои воридшуда 18 парванда нисбати 32 нафар моҳиятан баррасӣ гашт ва нисбати 14 адад парванда ҳукми айбдоркунӣ бароварда шуда, истеҳсолоти як парванда нисбати як нафар, бинобар татбиқи қонуни Ҷумҳурии Тоҷикистон дар бораи авф аз 24 августи соли 2016, таҳти рақами 1 355 ва як парванда нисбати як нафар дар асоси моддаи 72 қисми 1, архати якуми Кодекси ҷиноятии Ҷумҳурии Тоҷикистон қатъ карда шуд. Инчунин чор парванда нисбати чор нафар бо моддаи 240, қисми 2 Кодекси ҷиноятии Ҷумҳурии Тоҷикистон, ки аз ин ду адад дар таҳрири соли 1961 ба соли равон боқӣ монд.

Сабаби ба таъхир афтодани паравандаҳову сари вақт баррасӣ нашудани онҳо, ин давоми солҳои дароз ва то инҷониб дар кофтуков қарор доштани судшавандагон, ки шаҳрвандони кишварҳои Қирғизистону Узбекистон ҳастанд, мебошад. Ғайр аз ин, давоми соли равон ду нафар судияҳои суди ВМКБ бо фармоиши раиси Суди Олии кишвар барои расонидани ёрии амалии судӣ ба ноҳияҳои Панҷ, Файзободу Ҳисор сафарбар гардида, баррасии баъзе парвандаҳо ба давраи дигар гузошта шуд.

Татбиқи ҷазо доир ба парвандаҳои баррасишуда, яъне дар ин давра теъдоди маҳкумшудагон дар вилоят 30 нафар буда, нисбати 25 нафар ҷазои маҳрум сохтан аз озодӣ, як нафар ҷазои ҷарима ва як нафар судшаванда ҷазо дар намуди корҳои ислоҳӣ таъйин гардидааст. Инчунин, дар ҳаққи се нафар талаботи моддаи 71 Кодекси ҷиноятии Ҷумҳурии Тоҷикистон, яъне шартан татбиқ накардани ҷазо татбиқ шуда, доир ба парвандаҳои ҷиноятӣ ҳангоми баррасӣ маблағи умумии 50 ҳазору 625 сомонӣ ба фоидаи давлат ҷарима таъйин гаштааст.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6

Август 2020 c.