ИҚТИСОД
Якшанбе 08 Сентябр 2024 04:22
![7829](/upload/iblock/76d/%D0%B0%D0%BD%D0%B4%D0%BE%D0%B7.jpg)
Соли 2020 нақшаи андозҳо ва дигар пардохтҳои ҳатмӣ ба андозаи 93,7% таъмин гардидааст. Дар ин бора раиси Кумитаи андози назди Ҳукумати Ҷумҳурии Тоҷикистон Нусратулло Давлатзода зимни нишасти матбуотии ин ниҳод иттилоъ дода, як қатор омилҳои ба ин мусоидаткунандаро номбар намуд, ки таъсири бемории Ковид-19, кам шудани сармоягузориҳо аз ҳисоби ҳамаи сарчашмаҳои маблағгузорӣ, коҳиши хизматрасониҳои ширкатҳои ҳавопаймоӣ, сайёҳӣ, меҳмонхонаҳо, гардиши савдои чакана ва паст шудани қобилияти харидории шаҳрвандон аз зумраи онҳо мебошанд.
Гуфта шуд, ки коҳиш ёфтани воридоти маблағи андозҳо ба буҷет ба таъмини иҷрои қисми даромади буҷет таъсири манфӣ расонид.
Ба таъкиди Н. Давлатзода дар ин давра аз ҳисоби корхонаҳои калонтарини соҳаи саноати истихроҷ ва ширкатҳои мобилӣ бинобар нокифоя афзоиш ёфтани манбаъҳои андозбандӣ ва таъмин накардани иҷрои уҳдадориҳо дар назди буҷети давлатӣ, нисбат ба нишондиҳандаҳои пешбинишуда ба буҷет 600 млн. сомонӣ маблағи андозҳо кам ворид шуд.
Бақияи қарзи андозҳо то 1 январи соли ҷорӣ 884 млн. сомониро ташкил дод, ки нисбати ҳамин давраи соли пешин 303 млн. сомонӣ зиёд аст. Қарзи андозҳо асосан аз ҳисоби якчанд корхонаҳои калон, аз ҷумла фурудгоҳҳо, ширкатҳои ҳавопаймоӣ афзоиш ёфтааст.
Инчунин зикр шуд, ки соли 2020 бо риояи муқаррарот оид ба мораторий нисбат ба санҷиши субъектҳои истеҳсолӣ, дар фаъолияти зиёда аз 1400 нафар шахсони ҳуқуқӣ ва соҳибкорони инфиродӣ санҷиши риояи қонунгузории андоз гузаронида шуда, ба маблағи 517 млн. сомонӣ кам ҳисоб кардан ва пинҳонкунии андозҳо ошкор гардида, аз ин ҳисоб ва аз ҳисоби маблағҳои солҳои қаблӣ ошкоршуда, дар маҷмӯъ ба буҷа 470 млн. сомонӣ ворид карда шуд.
Тибқи иттилои масъулини ин ниҳод бо мақсади дар сатҳи замонавӣ ташкил намудани хизматрасониҳо ба андозсупорандагон ва гузариши онҳо ба тартиби пешниҳоди электронии эъломияҳо соли 2020 шумораи андозсупорандагоне, ки эъломияҳои худро ба тариқи электронӣ пешниҳод менамоянд, 13 ҳазор адад зиёд карда шуд. Айни замон 140 ҳазор субектҳои хоҷагидор аз ин шакли андозсупорӣ истифода менамоянд.
- Ҷиҳати беҳтар намудани хизматрасониҳои электронӣ аз ҷониби Кумитаи андоз портали хизматрасониҳои электронӣ васеъ карда шуда, айни замон барои андозсупорандагон 56 адад модулҳои хизматрасонӣ ба роҳ монда шудаанд, ки нисбат ба соли 2019 20 адад зиёд буда, истифодаи онҳо барои иҷрои уҳдадориҳои андозӣ мусоидат менамояд, - гуфт дар идома Нусратулло Давлатзода. - Дар назар дошта шудааст, ки соли 2021 боз зиёда аз 10 адад хизматрасониҳои давлатӣ, аз ҷумла, ба андозсупорандагон ба тариқи электронӣ равон намудани огоҳнома оид ба қарзи андоз, ҳисобкунии андоз аз арзиши иловашуда барои ташкилоти хориҷӣ, қабули ариза дар бораи тамдиди муҳлати пешниҳоди эъломия, китоби воридшавии шикоятҳо ва дигар хизматрасониҳо дар шакли электронӣ мавриди истифода қарор дода мешаванд.
Гуфта шуд, ки коҳиш ёфтани воридоти маблағи андозҳо ба буҷет ба таъмини иҷрои қисми даромади буҷет таъсири манфӣ расонид.
Ба таъкиди Н. Давлатзода дар ин давра аз ҳисоби корхонаҳои калонтарини соҳаи саноати истихроҷ ва ширкатҳои мобилӣ бинобар нокифоя афзоиш ёфтани манбаъҳои андозбандӣ ва таъмин накардани иҷрои уҳдадориҳо дар назди буҷети давлатӣ, нисбат ба нишондиҳандаҳои пешбинишуда ба буҷет 600 млн. сомонӣ маблағи андозҳо кам ворид шуд.
Бақияи қарзи андозҳо то 1 январи соли ҷорӣ 884 млн. сомониро ташкил дод, ки нисбати ҳамин давраи соли пешин 303 млн. сомонӣ зиёд аст. Қарзи андозҳо асосан аз ҳисоби якчанд корхонаҳои калон, аз ҷумла фурудгоҳҳо, ширкатҳои ҳавопаймоӣ афзоиш ёфтааст.
Инчунин зикр шуд, ки соли 2020 бо риояи муқаррарот оид ба мораторий нисбат ба санҷиши субъектҳои истеҳсолӣ, дар фаъолияти зиёда аз 1400 нафар шахсони ҳуқуқӣ ва соҳибкорони инфиродӣ санҷиши риояи қонунгузории андоз гузаронида шуда, ба маблағи 517 млн. сомонӣ кам ҳисоб кардан ва пинҳонкунии андозҳо ошкор гардида, аз ин ҳисоб ва аз ҳисоби маблағҳои солҳои қаблӣ ошкоршуда, дар маҷмӯъ ба буҷа 470 млн. сомонӣ ворид карда шуд.
Тибқи иттилои масъулини ин ниҳод бо мақсади дар сатҳи замонавӣ ташкил намудани хизматрасониҳо ба андозсупорандагон ва гузариши онҳо ба тартиби пешниҳоди электронии эъломияҳо соли 2020 шумораи андозсупорандагоне, ки эъломияҳои худро ба тариқи электронӣ пешниҳод менамоянд, 13 ҳазор адад зиёд карда шуд. Айни замон 140 ҳазор субектҳои хоҷагидор аз ин шакли андозсупорӣ истифода менамоянд.
- Ҷиҳати беҳтар намудани хизматрасониҳои электронӣ аз ҷониби Кумитаи андоз портали хизматрасониҳои электронӣ васеъ карда шуда, айни замон барои андозсупорандагон 56 адад модулҳои хизматрасонӣ ба роҳ монда шудаанд, ки нисбат ба соли 2019 20 адад зиёд буда, истифодаи онҳо барои иҷрои уҳдадориҳои андозӣ мусоидат менамояд, - гуфт дар идома Нусратулло Давлатзода. - Дар назар дошта шудааст, ки соли 2021 боз зиёда аз 10 адад хизматрасониҳои давлатӣ, аз ҷумла, ба андозсупорандагон ба тариқи электронӣ равон намудани огоҳнома оид ба қарзи андоз, ҳисобкунии андоз аз арзиши иловашуда барои ташкилоти хориҷӣ, қабули ариза дар бораи тамдиди муҳлати пешниҳоди эъломия, китоби воридшавии шикоятҳо ва дигар хизматрасониҳо дар шакли электронӣ мавриди истифода қарор дода мешаванд.
Эзоҳи худро нависед