Дар Ҷумҳурии Тоҷикистон истеҳсоли гандум ва орд дар соли 2020 нисбат ба соли 2019 афзоиш ёфтааст. Дар ин бора, Хадамоти зиддинҳисории кишвар иттилоъ медиҳад.

Бино ба иттилои манбаъ, дар моҳҳои январ-декабри соли 2020 ба ҷумҳурӣ 89,9 ҳазор тонна орд бо нархи миёнаи 261 доллари ИМА барои 1 тонна ворид карда шудааст, ки нисбат ба ҳамин давраи соли гузашта 4,1 ҳазор тонна ва ё 4,8 фоиз зиёд ворид гардидааст.

Ҳамзамон дар соли 2020 ба кишвар 899,9 ҳазор тонна гандум бо нархи миёнаи 243 доллари амрикоӣ барои 1 тонна ворид гардидааст, ки нисбат ба ҳамин давраи соли 2019 191 ҳазор тонна ё 17,5 фоиз коҳиш ёфтааст.

Аз ҳаҷми умумии маҳсулоти воридгардидаи орд 94,6% ба Ҷумҳурии Қазоқистон, 5,0% ба Федератсияи Россия ва 0,3% ба Ҷумҳурии Ӯзбекистон рост меояд.

Маҳсулоти воридгардидаи гандум 93,3% ба Ҷумҳурии Қазоқистон, 5,0% ба Федератсияи Россия ва 1,6 ба Ҷумҳурии Ӯзбекистон рост меояд.

Инчунин, дар ин давра, тибқи маълумотҳои оморӣ дар ҷумҳурӣ 830,4 ҳазор тонна орд истеҳсол карда шудааст, ки нисбат ба ҳамин давраи соли 2019 ба миқдори 120,5 ҳазор тонна ё 16,9 фоиз зиёд мебошад.