Мувофиқи маълумоти омори гумрукӣ дар моҳҳои январ – июни соли 2022 ба ҳудуди гумрукии Ҷумҳурии Тоҷикистон 31742,8 тонна равғани растанӣ ба маблағи 39399,6 ҳазор доллар бо нархи миёнаи 1241 доллар барои 1 тонна ворид шудааст. Ҳаҷми воридот нисбат ба ҳамин давраи соли гузашта 14101,4 тонна, ё 30,8 фоиз коҳиш ёфтааст.

Дар ин хусус дирӯз дар нишасти хабарии Хадамоти зиддиинҳисории назди Ҳукумати Ҷумҳурии Тоҷикистон иттилоъ дода шуд.

Таъкид гардид, ки аз ҳаҷми умумии равғани воридгардида 24,6% ба Федератсияи Русия, 65,4% ба Ҷумҳурии Қазоқистон, 6,8% ба Ҷумҳурии Озарбойҷон ва 3,2%-и боқимонда ба дигар давлатҳо рост меояд.
  
Ба гуфти масъулини хадамот дар ин давра дар ҷумҳурӣ аз ҷониби соҳибкорони инфиродӣ ва корхонаҳои истеҳсолӣ 10546,7 тонна равғани растанӣ истеҳсол шудааст, ки нисбат ба ҳамин давраи соли гузашта ҳаҷми истеҳсол 94,9 тонна, ё 0,9 фоиз афзудааст.

Ҳошим РАҲМАТУЛЛОЕВ “ҶТ”