Дар Китобхонаи миллии Тоҷикистон, бахшида ба солгарди таъсиси Ҳизби халқии демократии Тоҷикистон, китоби «Бонувон дар сиёсат» муаррифӣ шуд. Дар он бонувони сиёсатмадор Раъно Бобоҷониён, Хайриниссо Юсуфӣ, Идигул Қосимова, Марҳабо Ҷабборӣ, Хайринисо Юсуфӣ, Гулрухсор Сафиева, Руқия Қурбонова ва дигар бонувони фаъол иштирок доштанд.

Ҳадаф аз муаррифии китоби мазкур нишон додани нақши боризи занон дар таҳкими сулҳу ваҳдати миллӣ ва Истиқлолияти давлатӣ, рушди саноат, кишоварзӣ, фарҳанг ва варзиш дар мамлакат мебошад.

Китоби «Бонувон дар сиёсат» бо иқдом ва ибтикори Пешвои миллат, раиси Ҳизби халқии демократии Тоҷикистон, муҳтарам Эмомалӣ Раҳмон нашр гардида, дар он дар бораи беш аз сад нафар бонувони ҷумҳурӣ, ки дар мансабҳои баланди хизмати давлатӣ фаъолият намудаанд, маълумот дода шудааст.