13 июл дар ноҳияи Ҷ. Балхӣ озмуни Стипендияи Президенти Ҷумҳурии Тоҷикистон барои хонандагони муассисаҳои таълимии ноҳия барои соли хониши ‎2017-2018 баргузор гардид.

Дар озмун 60 нафар хонандагони фаъол ва аълохон иштирок намуданд. Озмун тариқи тестӣ гузаронида шуда, ба иштирокчиён 100 савол аз рӯи 10 фан пешниҳод гардид. Дар натиҷа 6 нафар - Моҳсафари Мирзоализода, Рустами Раҳмонзода, Дилфуза Қурбонова, Кароматулло Шехмуродов, Фарух Норбутаев ва Зафарҷон Тоиров бо гирифтани бештари холҳо ғолиб дониста шуда, ба комиссияи ҷумҳуриявӣ пешниҳод гардиданд.