МАОРИФ ВА ИЛМ
Душанбе 25 Июн 2018 09:29
4460
Дар олимпиадаи байналхалқӣ аз арифметикаи зеҳнӣ, ки 2-3 –юми июн дар шаҳри Москва байни 66 шаҳр баргузор шуд, 22 нафар тарбиятгирандагони Маркази инкишофи зеҳнии “Пифагор” воқеъ дар шаҳри Хуҷанд иштирок намуда, соҳиби мақоми аввал шуданд.

Дар ин олимпиадаи байналхалқӣ 20 нафар хонандагони макотиби таҳсилоти ҳамагонии №18, гимназияи №4, литсейи №1-и ба номи Муҳаммад Осимӣ, макотиби хусусии “Пӯлотов”, “Гулчини маърифат”, гимназияи “Гёте”-и шаҳри Хуҷанд иштирок намуда, 16 нафари онҳо мақомҳои аввалро дар синну соли аз 6 то 15 сола ба даст оварданд.

Ҳамзамон 5 адад Ҷоми олимпида насиби хонандагони шаҳри Хуҷанд гардид. Аз ҷониби муассисони олимпиада ба ғолибон сертификати мағозаи”Олами бачагон”-и шаҳри Москва аз 1000 то 2500 рубли Федератсияи Руссия тақдим карда шуд.

Ғайрат Усмонов, хонандаи синфи 8-и литсейи №1-и ба номи академик Муҳаммад Осимии шаҳри Хуҷанд дар олимпиадаи мазкур 210 адад мисолҳоро давоми 25 дақиқа ҳал намуда, ба унвони “Устоди арифметикаи зеҳнӣ” комёб гардид.

Олимпиадаи мазкур байни 4 давлат: Русия, Тоҷикистон, Қазоқистон ва Қирғизистон бо шумули 66 шаҳрҳои ин кишварҳо сурат гирифта, хонандагони шаҳри Хуҷанд бо гирифтани 5 Ҷом ва 16 мақоми якум ба нишондиҳандаи олитарини олимпиада муваффақ гардида, Парчами Тоҷикистонро баланд бардоштанд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1

Июн 2018 c.