МАОРИФ ВА ИЛМ
Якшанбе 26 Март 2017 06:28
2203
Донишгоҳи миллии Тоҷикистон бо 186 муассисаи таҳсилоти олии касбӣ, муассисаҳои илмӣ-таҳқиқотии кишварҳои хориҷӣ ва созмонҳои байналмилалӣ дар робита ба таҳсили донишҷӯён ва такмили ихтисоси мутахассисон шартнома ва қарордоди ҳамкорӣ бастааст.

Ректори донишгоҳ Имомзода Муҳаммадюсуф зимни нишасти матбуотӣ қайд намуд, ки танҳо бо мақсади тайёр намудани кадрҳои соҳибтахассус барои соҳаи эҳёшавандаи саноати химияи ҷумҳурӣ бо Донишгоҳи давлатии технологии Белорус доир ба таёр намудани мутахассисон аз рӯи 3 ихтисоси равияи химикӣ-технологӣ шартнома ба имзо расонида шудааст.

- Донишгоҳ бештар аз ҳама бо донишгоҳҳои давлатҳои аъзои ИДМ робитаҳои ҳамкорӣ дорад, ки шумораи онҳо айни ҳол ба 107 адад расидааст, - гуфт ректори донишгоҳ.

Аз хориҷи кишвар бошад, дар Донишгоҳи миллии Тоҷикистон айни ҳол 168 нафар шаҳрванди хориҷӣ дар зинаҳои гуногун таҳсил менамоянд. Аз ҷумла 26 нафар аспиранту докорант, 5 нафар унвонҷӯ, 2 нафар коромӯз-муҳаққиқ, 32 магистрант ва 73 донишҷӯ таҳсил менамоянд.

Эзоҳи худро нависед



Рамзҳо дар расм