17 июл, Аҳмадзода Ҷамшед Ҷалол, раиси Кумитаи меъморӣ ва сохтмони назди Ҳукумати Ҷумҳурии Тоҷикистон зимни нишасти матбуотӣ иброз намуд, ки дар нимаи аввали соли 2020 инвеститсияи сармояи асосӣ аз ҳисоби ҳамаи манбаъҳои сармоядиҳӣ ба маблағи 4 миллиарду 978 миллиону 600 ҳазор сомонӣ истифода шудааст.

Ба таъкиди номбурда ҳамчунин дар ин муддат ба масоҳати умумии 469 ҳазор метри мураббаъ хонаҳои истиқоматӣ ба истифода дода шуданд. Моҳҳои январ-июли соли равон фондҳои асосӣ ба маблағи 1 миллиарду 533 миллион сомонӣ ба кор андохта шуда, иҷроиши корҳои сохтмонию васлгарӣ 4 миллиарду 220 миллиону 700 ҳазор сомониро ташкил медиҳад.

Дар идома гуфта шуд, ки дар ин давра мактабҳои таҳсилоти умумӣ барои 3528 ҷойи нишаст барои хонандагон, дармонгоҳ барои 140 қабул дар як баст, беморхона барои 196 кат, муассисаҳои томактабӣ барои 200 ҷой ба истифода дода шуданд.