МАОРИФ ВА ИЛМ
Сешанбе 16 Апрел 2024 01:04
Агар барои қабои сабз ба бар намудани замин баҳор лозим бошад,пас барои ҳарҷониба инкишоф ёфтани инсон, устод рамзи баҳор аст. Оре, бе устод кас наметавонад аз доираи тафаккури маҳдуд берун гашта, оламу одамро дарк намояд. Аз қадимулайём бузургони илму адаб ба устод эҳтироми бепоён дошта, дар мавриди зарурӣ ба ин шахсияти беназир муроҷиат мекарданд. Онҳо дар симои устод шахси донишманду фозил ва равшанзамиру барнодилро медиданд. Ба чунин шахсони хирадманду фозил устоди кафедраи забон ва адабиёти тоҷики Донишгоҳи давлатии Данғара Саидқул Тағоев дохил шуда метавонад.
Худованд одамро ба қобилиятҳои тайёр ба дунёи равшан тавлид намесозад, балки ба ӯ ҷанинҳои инкишофро медиҳад. Дар зери таъсири тарбия ва муҳити ӯро иҳота карда, ин нишонаҳо рӯ ба инкишоф меоранд. Вале инкишоф ёфтани қобилият, маҳорат ва малака ба худи шахс низ вобастагӣ дорад. Устод Саидқул Тағоев низ аз зумраи чунин шахсони нотакрор буда, пастию баландиҳои ҳаётро аз сар гузаронида, ба мушкилиҳо бархӯрда, ба сӯи маҳорат қадамҳои устувор гузоштааст.
Пушинг деҳаи зебоманзараест, ки табиати фораму дилкаши он диққати ҳар бинандаро ба худ ҷалб менамояд. Ва аз ин деҳа бисёр ходимони соҳаҳои гуногуни хоҷагии халқ, сиёсат, маориф, фарҳанг, ҳарбӣ ва ғайраҳо ба воя расидаанд, ки имрӯз дар пешрафти кишвар саҳмгузоранд.
Тағоев Саидқул соли 1946 дар ҳамин деҳаи ноҳияи Данғара дар оилаи хизматчӣ ба дунё омадааст. Ӯ соли 1965 мактаби таҳсилоти миёнаи умумии №5 деҳаашро хатм намуда, аз соли 1965 то соли 1970 чун донишҷӯи факултети филолигияи тоҷики Университети давлатии Тоҷикистон (ҳоло ДМТ ) таҳсил намудааст. Сипас дар мактабҳои миёнаи таҳсилоти умумии рақами 5 ва 9-и ноҳияи Данғара ба ҳайси омӯзгор ва муовини директор оид ба қисми илмӣ фаъолият кардааст.
Тағоев Саидқул солҳои 1972-1974 инструктори кумитаи комсомоли ноҳия ва солҳои 1976-2008 чун муовини директори мактаби миёнаи №5-и ноҳияи Данғара фаъолият намудааст. Баъди таъсиси филиали Донишгоҳи аграрии Тоҷикистон дар ноҳияи Данғара устод Саидқул Тағоевро барои идомаи фаъолияти омӯзгорӣ ба кафедраи забон ва адабиёти тоҷики ин таълимгоҳ даъват карданд,ки то соли 2013 устоди ҳамин кафедра буд.
Инак, аз моҳи майи соли 2013 то инҷониб Тағоев Саидқул ҳамчун саромӯзгори кафедраи забон ва адабиёти тоҷики Донишгоҳи давлатии Данғара фаъолият дорад.
Аълочии маорифи Тоҷикистон Саидқул Тағоев тӯли 47 соли фаъолияташ дар соҳаи пуршарафи омӯзгори ба масъалаи тозагии забон, маҳорати суханварӣ қоидаҳои имлои забони тоҷикӣ, муошират ва муносибатҳои некхоҳона бо одамон ва якдигар, эҷоди шеъру таронаҳо ва дигар масъалаҳои муҳими таълим, тарбия ва илм ба шогирдон тавсияҳо ва дониши мукаммалу амиқ додааст. Ҳама муваффақиятҳои устод дар натиҷаи заҳмат ва машаққатҳои зиёд ба даст меомаданд. Ӯ ҳақиқатан мекӯшад, ки ба шогирдон дарси меҳру муҳаббат, садоқати мардонагӣ омӯхта, ба онҳо дониш диҳаду ба ин восита дар тайёр намудани шогирдон ба фаъолияти омӯзгорӣ саҳми муносиб гузорад. Махсусан, устод Саидқул Тағоев ба омӯзгорони ҷавон дар роҳи амалӣ намудани марому мақсадҳои некашон ҷиҳати баланд бардоштани ихтисос ва усулҳои таълиму тарбия мунтазам ёрии амалӣ мерасонад.
Мақолаҳои илмию методии устод мунтазам дар рӯзномаю маҷаллаҳои даврӣ чоп шудаанд. Бо қалами ӯ 16 дастуру мақолаҳо дастраси хонандагон гардидааст. Устод Саидқул Тағоев дар баробари фаъолияти пуршарафи омӯзгорӣ ҳамчун деҳқони асил баҳри руёнидани ҳосили дилхоҳи зироатҳои кишоварзӣ, аз қабили ангур, ғалла, сабзавот, себ ва ғайраҳо ҷидду ҷаҳд менамояд. Ӯ ҳар сол бо аҳли оилааш аз заминҳои иҷоравии саҳмияашон аз ин зироатҳо ва сабзавоту меваҳо ҳосили дилхоҳ ба даст меоварад, зеро нозукиҳои касби деҳқониро низ панҷ панҷабарин ба хубӣ аз бар намудааст.
- Муаллим бояд дар баробари омӯзгорӣ якчанд ҳунарҳои дигар ҳам дошта бошад-мегӯяд ӯ. - Ин имкон медиҳад, ки ҳам кори таълиму тарбия пеш равад ва ҳам сатҳи зиндагии омӯзгор баланд гардад. Устод Саидқул Тағоев бисёр ҳам инсони пухта, баркамол буда, дили софу бекина дорад ва кас дар суҳбати ин марди оқил ҳаловат мебарад.
Гуё шоир ин мисраҳоро барои чунин устодон гуфтааст:
Суҳбати мардон бувад ҷонпарварӣ,
Чун дар ин суҳбат равӣ ҷон парварӣ.
Асомуддин АЗИЗОВ, мудири китобхонаи илмии Донишгоҳи давлатии Данғара
Худованд одамро ба қобилиятҳои тайёр ба дунёи равшан тавлид намесозад, балки ба ӯ ҷанинҳои инкишофро медиҳад. Дар зери таъсири тарбия ва муҳити ӯро иҳота карда, ин нишонаҳо рӯ ба инкишоф меоранд. Вале инкишоф ёфтани қобилият, маҳорат ва малака ба худи шахс низ вобастагӣ дорад. Устод Саидқул Тағоев низ аз зумраи чунин шахсони нотакрор буда, пастию баландиҳои ҳаётро аз сар гузаронида, ба мушкилиҳо бархӯрда, ба сӯи маҳорат қадамҳои устувор гузоштааст.
Пушинг деҳаи зебоманзараест, ки табиати фораму дилкаши он диққати ҳар бинандаро ба худ ҷалб менамояд. Ва аз ин деҳа бисёр ходимони соҳаҳои гуногуни хоҷагии халқ, сиёсат, маориф, фарҳанг, ҳарбӣ ва ғайраҳо ба воя расидаанд, ки имрӯз дар пешрафти кишвар саҳмгузоранд.
Тағоев Саидқул соли 1946 дар ҳамин деҳаи ноҳияи Данғара дар оилаи хизматчӣ ба дунё омадааст. Ӯ соли 1965 мактаби таҳсилоти миёнаи умумии №5 деҳаашро хатм намуда, аз соли 1965 то соли 1970 чун донишҷӯи факултети филолигияи тоҷики Университети давлатии Тоҷикистон (ҳоло ДМТ ) таҳсил намудааст. Сипас дар мактабҳои миёнаи таҳсилоти умумии рақами 5 ва 9-и ноҳияи Данғара ба ҳайси омӯзгор ва муовини директор оид ба қисми илмӣ фаъолият кардааст.
Тағоев Саидқул солҳои 1972-1974 инструктори кумитаи комсомоли ноҳия ва солҳои 1976-2008 чун муовини директори мактаби миёнаи №5-и ноҳияи Данғара фаъолият намудааст. Баъди таъсиси филиали Донишгоҳи аграрии Тоҷикистон дар ноҳияи Данғара устод Саидқул Тағоевро барои идомаи фаъолияти омӯзгорӣ ба кафедраи забон ва адабиёти тоҷики ин таълимгоҳ даъват карданд,ки то соли 2013 устоди ҳамин кафедра буд.
Инак, аз моҳи майи соли 2013 то инҷониб Тағоев Саидқул ҳамчун саромӯзгори кафедраи забон ва адабиёти тоҷики Донишгоҳи давлатии Данғара фаъолият дорад.
Аълочии маорифи Тоҷикистон Саидқул Тағоев тӯли 47 соли фаъолияташ дар соҳаи пуршарафи омӯзгори ба масъалаи тозагии забон, маҳорати суханварӣ қоидаҳои имлои забони тоҷикӣ, муошират ва муносибатҳои некхоҳона бо одамон ва якдигар, эҷоди шеъру таронаҳо ва дигар масъалаҳои муҳими таълим, тарбия ва илм ба шогирдон тавсияҳо ва дониши мукаммалу амиқ додааст. Ҳама муваффақиятҳои устод дар натиҷаи заҳмат ва машаққатҳои зиёд ба даст меомаданд. Ӯ ҳақиқатан мекӯшад, ки ба шогирдон дарси меҳру муҳаббат, садоқати мардонагӣ омӯхта, ба онҳо дониш диҳаду ба ин восита дар тайёр намудани шогирдон ба фаъолияти омӯзгорӣ саҳми муносиб гузорад. Махсусан, устод Саидқул Тағоев ба омӯзгорони ҷавон дар роҳи амалӣ намудани марому мақсадҳои некашон ҷиҳати баланд бардоштани ихтисос ва усулҳои таълиму тарбия мунтазам ёрии амалӣ мерасонад.
Мақолаҳои илмию методии устод мунтазам дар рӯзномаю маҷаллаҳои даврӣ чоп шудаанд. Бо қалами ӯ 16 дастуру мақолаҳо дастраси хонандагон гардидааст. Устод Саидқул Тағоев дар баробари фаъолияти пуршарафи омӯзгорӣ ҳамчун деҳқони асил баҳри руёнидани ҳосили дилхоҳи зироатҳои кишоварзӣ, аз қабили ангур, ғалла, сабзавот, себ ва ғайраҳо ҷидду ҷаҳд менамояд. Ӯ ҳар сол бо аҳли оилааш аз заминҳои иҷоравии саҳмияашон аз ин зироатҳо ва сабзавоту меваҳо ҳосили дилхоҳ ба даст меоварад, зеро нозукиҳои касби деҳқониро низ панҷ панҷабарин ба хубӣ аз бар намудааст.
- Муаллим бояд дар баробари омӯзгорӣ якчанд ҳунарҳои дигар ҳам дошта бошад-мегӯяд ӯ. - Ин имкон медиҳад, ки ҳам кори таълиму тарбия пеш равад ва ҳам сатҳи зиндагии омӯзгор баланд гардад. Устод Саидқул Тағоев бисёр ҳам инсони пухта, баркамол буда, дили софу бекина дорад ва кас дар суҳбати ин марди оқил ҳаловат мебарад.
Гуё шоир ин мисраҳоро барои чунин устодон гуфтааст:
Суҳбати мардон бувад ҷонпарварӣ,
Чун дар ин суҳбат равӣ ҷон парварӣ.
Асомуддин АЗИЗОВ, мудири китобхонаи илмии Донишгоҳи давлатии Данғара
Хабарҳои дигар
Рӯзнома
Эзоҳи худро нависед