Дар деҳаи Роҳи Ленини ноҳияи Абдураҳмони Ҷомӣ Муассисаи таълимии тозабунёди №19 ба истифода дода шуд.

Муассисаи мазкурро Нуриддин Саид, вазири маориф ва илми Тоҷикистон, М. Хидирзода, муовини раиси вилояти Хатлон ва Х. Неъматова муовини раиси ноҳия мавриди баҳрабардорӣ қарор доданд. Он аз 2 ошёна иборат буда, барои 320 ҷои нишаст дар як баст сохта шудааст. Дар ошёнаи якум 5 синфхона:компютерӣ, таълими меҳнат, утоқи кории муаллимон ва утоқи кории директор ҷойгир шудааст. Дар ошёнаи дуюм 8 синфхона ва 2 утоқи корӣ, синфхонаҳои лаборатории фанҳои физикаю химия мавҷуд аст.

Ёдовар мешавем, ки деҳаи Роҳи Ленин солҳои 70-уми асри гузашта бунёд ёфта, хонандагони он то имрӯз дар вагонхонаҳо таълим мегирифтанд.