Донишгоҳи давлатии Хоруғ ба номи Моёншо Назаршоев (ДДХ) дар ҳамкорӣ бо Вазорати маориф ва илми Ҷумҳурии Тоҷикистону ташкилоти байналмилалии рушди Бонки умумиҷаҳонӣ лоиҳаи наверо бо унвони “Ҳадафи Маркази “Интеллект” - дастгирии донишҷӯдухтарони хобгоҳ” роҳандозӣ намудааст, ки дар баланд бардоштани донишу ҷаҳонбинӣ ва фаъолнокии донишҷӯдухтарони хобгоҳҳои ДДХ мусоидат мекунад.
Тавре муовини ректори донишгоҳ оид ба робитаҳои байналмилалӣ Олга Сайфуллоева иттилоъ дод, ҳамчунин мақсади барнома омода намудани ҷавондухтарон ба зиндагии шоиста ва дар ин замина фароҳам овардани шароити корӣ ба онҳо баъди хатми донишгоҳ мебошад.
Бояд гуфт, ки дар марказ чорабиниҳои гуногуни фарҳангӣ, аз қабили семинарҳо, курсҳои забономӯзӣ, озмунҳои ҳархела, викторина, конференсияву мусоҳибаҳо ба роҳ монда шуданд, ки муҳассилин ҳамарӯза аз онҳо баҳра хоҳанд гирифт.
Эзоҳи худро нависед