МАОРИФ ВА ИЛМ
Якшанбе 07 Март 2021 04:40
7668
Чанде пеш раиси Вилояти Мухтори Кӯҳистони Бадахшон Ёдгор Файзов ва иҷрокунандаи раиси шаҳри Хоруғ Мирзонабот Алишер Худоберди ғолибону иштирокчиёни озмуни ҷумҳуриявии “Фурӯғи субҳи доноӣ китоб аст” - ро дар вазъи тантанавӣ қадрдонӣ намуданд.

Нахуст раиси вилоят Ё. Файзов аз номи Мақомоти иҷроияи ҳокимияти давлатии вилоят ба иштирокдорони озмун, муаллимон ва волидони онҳо изҳори сипосу миннатдорӣ баён карда иброз намуд, ки озмун таҳти сарпарастии бевоситаи Пешвои муаззами миллат муҳтарам Эмомалӣ Раҳмон рӯи кор омаду комилан собит сохт, ки мардуми тоҷик таърихан фарҳангдӯсту бомаърифат ва тамаддунофар буда, пайравӣ аз гузаштаи пурифтихор ва рӯ овардан ба китобхонӣ дар замони муосир шарту зарур аст.

-Маҳз тавассути мутолиаи китоб ҷаҳонбинии инсон васеъ гашта, муҳити маънавиаш ғанӣ мегардад. Хондани китоб дар ҷавонӣ “ин нақш дар санг ва дар пирӣ каф дар об” мебошад. Бинобар ин, моро лозим аст, то баҳри китобхонии наслҳои имрӯзу фардо шароити мусоидро фароҳам орем, то фарзандонамон дар оянда мавқеи устувори худро дар ҷомеа пайдо кунанд, - таъкид намуд, раиси вилоят.   

Зикр гардид, ки аз миёни иштирокдорони даври вилоятии озмун ба даври ҷумҳуриявӣ 9 нафар роҳхат гирифтанд, ки аксарияташон хонандагони муассисаҳои таҳсилоти умумии шаҳр ва ноҳияҳои вилоят мебошанд. Хушбахтона, дар даври ҷумҳуриявии озмун хонандаи синфи 6-и муассисаи таҳсилоти миёнаи умумии рақами 11 –и ноҳияи Шуғнон Мабатқадамова Шаҳина аз рӯйи номинатсияи адабиёти бачагона соҳиби ҷойи якум ва хонандаи синфи 11 –и Литсейи Оғохони шаҳри Хоруғ Одинамамадова Шарифамоҳ аз рӯйи номинатсияи аз бар кардану хондани осори адабиёти ҷаҳон сазовори ҷойи 3-юм гардида, иштирокдорони дигар бо ифтихорномаи Вазорати маориф ва илми Ҷумҳурии Тоҷикистон ва мукофотпулӣ сарфароз шуданд.

Дар охири вохӯрӣ ғолибон, омӯзгорону волидони ғолибон ва дигар иштирокчиёни озмун бо ифтихорномаву сипоснома ва мукофотпулӣ қадрдонӣ гаштанд.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Март 2021 c.